پنجاب کے طلباء میں ای بائیکس کی تقسیم کا باقاعدہ آغازہو گیا 

پنجاب حکومت نے پنجاب بائیک تقسیم کے تحت طلباء میں موٹرسائیکلوں کی تقسیم کا باقاعدہ آغاز کر دیا۔ 
وزیر اعلیٰ پنجاب مریم نواز نے بائیکس کی تقسیم کے حوالہ سے  تقریب میں  خطاب کرتے ہوئے کہا کہ پنجاب حکومت نے محض 4 ماہ میں ای بائکس کی فراہمی کا وعدہ پوراکر دیا ہے۔  
وزیر اعلیٰ مریم نواز نے بتایا کہ حکومت کو بائکس کے لیے 01 لاکھ 90 ہزار درخواستیں موصول ہوئیں، جن میں سے شارٹ لسٹ کیے گئے طلباء میں بائکس تقسیم کی جائیں گی۔ انہوں نے کہا کہ حلفیہ کہتی ہوں کہ کوئی بھی موٹرسائیکل سفارش پر نہیں دی جائے گی۔
حکومت پنجاب پہلے مرحلے میں 20 ہزار بائکس دے رہی ہے۔  دوسرے مرحلے میں موٹرسائیکلوں کی تعداد بڑھا دی جائے گی۔پنجاب بائک سکیم میں بائکس کی تعداد بڑھا کر 27 ہزار کر دی گئی ہے۔ خاتون طلبہ میں 8 ہزار 
بائکس تقسیم کی جائیں گی۔
19 ہزار پٹرول بائیکس اور 01 ہزار الیکٹرک بائکس تقسیم بلا سود قرضوں کی بنیاد پر کی جائے گی۔  بائکس کی ڈاؤن پیمنٹ کی آدھی رقم پنجاب حکومت ادا کرے گی۔
مریم نواز نے خطاب کرتے ہوئے کہا کہ حکومت پنجاب یوتھ کے لیے مزید سکیمز لا رہی ہے۔ انہوں نے بتایا کہ پنجاب کے طلباء میں جلد ہی لیپ ٹاپس بھی تقسیم کیے جائیں گے۔