ورلڈ چیمپئین لیگ کے سیمی فائنل میں بارش کا امکان، شیڈول جاری  

انگلینڈ میں جاری ورلڈ چیمپئین لیگ 2024 کا پہلا سیمی فائنل کل 11 جولائی، جبکہ دوسرا سیمی فائنل 12 جولائی کو کھیلا جائے گا۔ 
ورلڈ چیمپئینز لیگ کے پہلے سیمی فائنل کے لیے پاکستان اور ویسٹ انڈیز کی ٹیمیں میدان میں ٹکرائیں گی، جبکہ دوسرے سیمی فائنل میں آسٹریلیا اور بھارت کا مقابلہ ہو گا۔ 
ورلڈ چیمپئین لیگ 2024 کا پہلا سیمی فائنل پاکستانی وقت کے مطابق شام 4:30 بجے شروع ہو گا، جبکہ دوسرا سیمی فائنل پاکستانی وقت کے مطابق رات 8:30 بجے کھیلا جائے گا۔
ذرائع کے مطابق ورلڈ چیمپئین لیگ 2024 کے سیمی فائنلز کے دوران بارش کا امکان بھی ہے۔ بارش ہونے کی صورت میں سیمی فائنل کے میچز 13 جولائی تک بھی لے جائے جا سکتے ہیں۔ 
ورلڈ چیمپئین لیگ 2024 کے دونوں سیمی فائنلز کے لیے مد مقابل ٹیمیں انگلینڈ کے شہر نارتھامپٹن میں ٹکرائیں گی، جبکہ فائنل میچ برمنگھم میں کھیلا جائے گا۔