خیبرپختونخوا حکومت کا  غریب گھرانوں کو مفت سولر پینل دینے کا اعلان

خیبرپختونخوا حکومت نے غریب گھرانوں کو مفت سولر پینل دینے کا اعلان کردیا جبکہ منصوبے کو عملی جامہ پہنانے کے لیے حکمت عملی تیار کی جارہی ہے۔

خیبرپختونخوا کے غریب گھرانوں کو مفت سولرپینل دینے کا منصوبہ تیار ہوگیا، خیبرپختونخوا حکومت کی جانب سے منصوبے پر عملدرآمد کے لیے غور وخوض جاری ہے۔

مشیر خزانہ خیبرپختونخوا مزمل اسلم نے کہا کہ صوبے میں ایک لاکھ سولر سسٹم فراہم کیے جائیں گے،جس کی فراہمی تین کیٹیگری میں کی جائے گی, صرف سولر سسٹم ہی نہیں اس کے ساتھ تاریں اور انورٹر پنکھے بھی بطور پیکج دیے جائیں گے۔

مزمل اسلم نے مزید کہا کہ منصوبے کو بینک کے ذریعے یا براہ راست شروع کیے جانے کے آپشنز زیر غور ہے، منصوبے کے لیے اچھے ونڈرز کو بھی تلاش کررہے ہیں۔

انہوں کا کہنا تھا کہ انتہائی غریب گھرانوں کو سولر سسٹم مفت دیے جائیں گے، متوسط طبقے کے لیے 50 فیصد کی قیمت پر اور باقی گھرانوں کو بغیر سود کے آسان ماہانہ اقساط پر فراہم کیے جائیں گے۔

مشیر خزانہ نے بتایا کہ خیبرپختونخوا میں چھوٹے بجلی گھروں سے بھی بجلی پیدا کی جا رہی ہے، جس کی قیمت چھ سے سات روپے فی یونٹ ہے۔