نجی  مصروفیات یا پی سی بی کا ایکشن، پاکستانی فاسٹ باؤلر شاہین شاہ آفریدی ہوم سیریز سے باہر

لاہور قلندر کے کپتان اور پاکستانی کرکٹ ٹیم کے مایہ ناز فاسٹ باؤلر شاہین شاہ آفریدی کو آئندہ چند دنوں میں شروع ہونے والی پاکستان بمقابلہ بنگلہ دیش کی ہوم سیریز کا حصہ نہیں بنایا جائے گا، جس کی وجہ یہ بتائی گئی کہ شاہین شاہ آفریدی جلد باپ بننے جا رہے ہیں۔  
ذرائع کے مطابق گھر میں خوشی کا موقع آنےکی بدولت پاکستانی فاسٹ بالر شاہین شاہ آفریدی حالیہ کسی بھی میچ میں شرکت نہیں کریں گے۔ 
پاکستانی ہیڈ کوچ جیسن  گلیسپی کے مطابق آئندہ چند ہفتوں میں شاہین شاہ آفریدی کے گھر ننھے مہمان کی آمد متوقع ہے، جس کی بدولت انہیں پاکستان بمقابلہ بنگلہ دیش کی ہوم سیریز میں شامل نہیں کیا جائے گا۔ 
یاد رہے کہ شاہین شاہ آفریدی کی فروری 2023 میں معروف پاکستانی سابق کرکٹر شاہد آفریدی کی بیٹی انشاء آفریدی سے شادی ہوئی تھی۔ 
چند روز قبل میڈیا میں یہ خبریں بھی گردش کر رہی تھیں کہ  پاکستان کرکٹ بورڈ کی جانب سے شاہین شاہ آفریدی کو ان کے غیر پیشہ ورانہ رویے کی بنیاد پر سنگین نتائج کا سامنا کرنا پڑسکتا ہے۔
میڈیا کی جانب سے بنگلہ دیش کے ساتھ ہونے والی ہوم سیریز میں شاہین شاہ آفریدی کی شرکت کے مشکوک ہونے کو پی سی بی کا ایکشن تصور کیا جا رہا تھا۔ 
حال ہی میں پاکستان کرکٹ ٹیم کے ہیڈ کوچ جیسن  گلیسپی نے پاکستانی فاسٹ بالر شاہین شاہ آفریدی کو ان کی نجی زندگی کی مصروفیات کے باعث ٹیم میں شامل نہ کرنے کا عندیہ دے دیا۔