حکومت نے  مفت سولرپینل کی تقسیم کی تاریخ کا اعلان کر دیا

حکومت پنجاب نے 14 اگست (یوم آزادی )کے موقع پر سولر پینل کی تقسیم شروع کرنے کا فیصلہ کرلیا۔

صوبے بھر میں اپنے اعلان کردہ منصوبے کے تحت 2 سو یونٹ تک بجلی استعمال کرنے والے صارفین کو 14 اگست سے مفت سولر پینل دیے جائیں گے۔

علاوہ ازیں حکومت پنجاب کے منصوبے کے مطابق 2 سو سے 5 سو یونٹ تک صارفین کو سولر پینل 10 فیصد معاوضہ کی ادائیگی پر ملیں گے۔ 90 فیصد رقم پنجاب حکومت ادا کرے گی۔

اس سلسلے میں حکومت پنجاب نے سولر پینلز کی فراہمی کی اسکیم کی تمام جزئیات طے کر لیے ہیں۔

وزیراعلی پنجاب مریم نواز کا کہنا ہے کہ عوام کو ریلیف دینا ہی میرا مشن ہے، مشکل حالات ہیں لیکن ہم عوام کے ساتھ ہیں اور رہیں گے۔

یاد رہے کہ گزشتہ ہفتے وزیراعلیٰ پنجاب مریم نواز نے 200 یونٹ استعمال کرنے والے بجلی صارفین کو مفت سولر پینل دینے کا اعلان کیا تھا۔ اس حوالے سے وزیراعلیٰ پنجاب مریم نواز نے کہا تھا کہ بڑھتے ہوئے بجلی کے بلوں سے عوام کو بہت تکلیف ہے ، غریبوں کی پریشانیوں سے آگاہ ہوں اور ہمیشہ ان کے حق کیلئے کھڑی رہوں گی۔