بجلی مزید مہنگی کرنے کی تیاری ، درخواست نیپرا میں جمع

مہنگائی سے پریشان عوام پر مزید بوجھ ڈالنے کی تیاری کرلی گئی ، بجلی کی قیمت بڑھا کر ایک اور بم گرانے کی تیاری شروع کر دی گئی ہے ۔

تفصیلات کے مطابق سینٹرل پاور پرچیزنگ ایجنسی نے نیپرا میں بجلی کی قیمت میں اضافے کی درخواست جمع کروا دی ہے ، درخواست میں استدعا کی گئی ہے کہ بجلی کی قیمتوں میں 2.10روپے فی یونٹ اضافہ منظورکیاجائے۔ 

واضح رہے کہ بجلی کی قیمت میں اضافہ مئی کےماہانہ فیول ایڈجسٹمنٹ کی مدمیں مانگاگیاہے، نیپرا سی پی پی اے کی درخواست پر 30 جولائی کو سماعت کرے گی۔