وزیر داخلہ محسن نقوی کی کیپٹل ڈیولپمنٹ اتھارٹی اسلام آباد کو اہم ہدایات جاری

وزیر داخلہ محسن نقوی نے کیپٹل ڈیولپمنٹ اتھارٹی ( سی ڈی اے )کو ہدایت کی ہے کہ وہ طوفانی بارشوں کے پیش نظر دارالحکومت کے نشیبی علاقوں میں وقفے وقفے سے پانی کی نکاسی کو یقینی بنائے۔

وزیر داخلہ نے سی ڈی اے کے چیئرمین محمد علی رندھاوا سے رابطہ کیا اور ان سے کہا کہ وہ خود نکاسی کے کام کی نگرانی کریں۔ انہوں نے کہا کہ انڈر پاسز اور دیگر مقامات پر پانی کی نکاسی کو یقینی بنایا جائے۔

محسن نقوی نے کہا کہ متعلقہ افسران اور عملہ نکاسی آب کا کام مکمل ہونے تک فیلڈ میں موجود رہیں۔

وزیر داخلہ نے دارالحکومت میں گلیوں، نالوں اور آبی گزرگاہوں کی باقاعدہ نگرانی کی ہدایات دیں۔