وفاقی وزیرقانون نے قبل ازوقت انتخابات کے انعقاد کا امکان مسترد کردیا

وفاقی وزیرقانون اعظم نذیر تارڑ نے قبل ازوقت انتخابات کے انعقاد کا امکان مسترد کردیا۔

وفاقی وزیرقانون اعظم نذیر تارڑ نے کہا ہے کہ قبل ازوقت انتخابات اپوزیشن لیڈر کی خواہش ہوسکتی ہے، انتخابات مقررہ وقت پر ہوں گے، آئین میں اسمبلیوں کی مدت پانچ سال ہے، قبل ازوقت انتخابات کے حالات نہیں ہیں۔

اعظم نذیر تارڑ نے مزید کہا کہ سب ٹھیک چل رہا ہے اللہ خیرکرے گا، اسمبلیاں پانچ سالہ مدت پوری کریں گی، مسلم لیگ ن پرنفرت پھیلانے کے الزام کا جواب عمر ایوب سے لیں۔

واضح رہے چند روز سے پی ٹی آئی سمیت مختلف جماعتوں کے رہنماؤں کی جانب سے قبل از وقت انتخابات کی باتیں زیر گردش ہیں۔