تجارت
چین کے مرکزی بینک کے گورنر کی بیجنگ میں پاکستانی وزیر خزانہ سے ملاقات
وزیر خزانہ محمد اورنگزیب نے موڈیز کے نمائندوں کو آئی ایم ایف ڈیل معاشی اصلاحات سے بھی آگاہ کیا
![چین کے مرکزی بینک کے گورنر کی بیجنگ میں پاکستانی وزیر خزانہ سے ملاقات](/media/112856/conversions/261657035450bec-1280x720.jpg)
بیجنگ: چین کے مرکزی بینک کے گورنر پین گونگ شینگ نے جمعہ کو پاکستان کے وزیر خزانہ محمد اورنگزیب سے ملاقات کی جہاں انہوں نے دو طرفہ مالیاتی تعاون پر تبادلہ خیال کیا۔
وزیر خزانہ محمد اورنگزیب نے موڈیز کے نمائندوں کو آئی ایم ایف ڈیل معاشی اصلاحات سے بھی آگاہ کیا۔
پاکستان کے دو سرکاری ذرائع کے مطابق وزیر خزانہ محمد اورنگزیب نے جمعرات کو بین الاقوامی مالیاتی فنڈ کی طرف سے تجویز کردہ ساختی اصلاحات کے ساتھ ساتھ پاور سیکٹر کے قرضوں میں ریلیف پر بات چیت کے لیے بیجنگ پہنچے تھے۔
پاکستان
کسی صورت خیبر پختونخواہ میں آپریشن نہیں ہونے دیں گے ، علی امین گنڈا پور
علی امین گنڈا پور کا کہنا تھا کہ ہمارے فیصلے ہم خود کریں گے کوئی دوسرا نہیں، شرپسندوں کےخلاف کارروائی ہماری پولیس کرے گی
![کسی صورت خیبر پختونخواہ میں آپریشن نہیں ہونے دیں گے ، علی امین گنڈا پور](/media/112868/conversions/203542_1769684_updates-1280x720.jpg)
وزیر اعلیٰ خیبرپختونخوا علی امین گنڈا پور نے کہا ہے کہ امریکا کےغلاموں نے پختونوں پر غلط پالیسیاں تھوپیں، حکمرانوں کے تجربات سے ہمارا نقصان ہوا ہے۔ اپنے فیصلے خود کریں گے، حق مانگنے کے بجائے چھین لیں گے۔
بنوں میں امن مارچ کے شرکاء سے خطاب میں علی امین نے کہا کہ خیبرپختونخوامیں آپریشن نہیں ہونے دیں گے، ماضی میں آپریشن کی وجہ سے ہم خانہ بدوش بنے۔انہوں نے کہا کہ پاکستان کو آزاد کروانے میں پختونوں نے اہم کردارادا کیا، 65ء کی جنگ میں بھی پختونوں کا کرداراہم تھا، ہم نے ملک کے ساتھ تن، من، دھن سے وفاداری کی۔ قربانی دینا ہمارے خون میں ہے، ملک کیلئےہم قربانی دیں گے۔
ان کا کہنا تھا کہ ہمارے فیصلے ہم خود کریں گے کوئی دوسرا نہیں، شرپسندوں کےخلاف کارروائی ہماری پولیس کرے گی۔
پاکستان
پی ٹی آئی اور جماعت اسلامی کی احتجاج کی کال، پنڈی سے اسلام آباد جانیوالے راستے بلاک
پولیس نے پی ٹی آئی اور جماعت اسلامی کے لیے 60 سے زائد مقامات پر چھاپے مار کر 110 افراد کو حراست میں لے لیا
![پی ٹی آئی اور جماعت اسلامی کی احتجاج کی کال، پنڈی سے اسلام آباد جانیوالے راستے بلاک](/media/112849/conversions/373379_3126862_updates-1280x720.jpg)
جماعت اسلامی کے دھرنے اور پی ٹی آئی کی احتجاج کی کال پر ریڈ زون اور راولپنڈی سے دارالحکومت آنے والے راستوں کنٹینر لگاکر بند کردیا گیا ہے۔
راولپنڈی میں میٹرو بس سروس بھی بند کردی گئی ہے جس سے مسافروں کو شدید مشکلات کا سامنا ہے۔
انتظامیہ کا بتانا ہےکہ احتجاج کے پیش نظر اسلام آباد میں بھی میٹروبس سروس بند کردی گئی ہے جو آئی جے پی سے پاک سیکرٹریٹ تک بند کی گئی۔فیض آباد کے مقام پر راولپنڈی جانے والے راستہ کنٹینرز لگا کر بند کر دیا گیا ہے اور مری روڈ پر چاندنی چوک اور سکستھ روڈ پر کنٹینر رکھ دیے گئے ہیں۔
ترجمان جماعت اسلامی کا کہنا ہے کہ بجلی کے بھاری بلوں اور مہنگائی کے خلاف دھرنا ضرور ہوگا اور قافلے اسلام آباد کی طرف رواں ہیں۔امیر جماعت حافظ نعیم الرحمان اور نائب امیر لیاقت بلوچ اسلام آباد موجود ہیں، لیاقت بلوچ کے گھر چھاپے میں دو ملازمین کو حراست میں لے لیا گیا۔
جماعت اسلامی نے لاہور، گجرات، وہاڑی، سرگودھا، حافظ آباد اور فیصل آباد سے متعدد کارکنان کو حراست میں لیے جانے کا دعویٰ کیا ہے۔
دوسری طرف لاہور میں پولیس نے پی ٹی آئی اور جماعت اسلامی کے لیے 60 سے زائد مقامات پر چھاپے مار کر 110 افراد کو حراست میں لے لیا۔حراست میں لیے گئے افراد کا تعلق پی ٹی آئی اور جماعت اسلامی سے ہے۔ پی ٹی آئی کے یاسر گیلانی اورحافظ ذیشان کے گھروں پر بھی چھاپے مارے گئے۔
ذرائع کا مزید کہنا ہے کہ ساندہ ، گلشن راوی سے پکوان سینٹر ، کیٹرنگ سروس اور ساؤنڈ سسٹم سینٹر پر چھاپے مارے گئے۔ ساندہ ، گلشن راوی سے پی ٹی آئی کے 11 کارکنوں کو پکڑا گیا۔ جماعت اسلامی کے متعدد کارکنوں کو بھی مختلف مقامات سے حراست میں لیا گیا ہے۔ تحریک انصاف اور جماعت اسلامی نے آج احتجاج کی کال دے رکھی ہے۔
دنیا
پیرس :اولمپکس کے افتتاح کے موقع پر ریل نیٹ ورک پر حملہ، لاکھوں مسافر متاثر
پیرس اولمپکس کی افتتاحی تقریب سے چند گھنٹے قبل فرانس کے تیز رفتار ریل نیٹ ورک پر بڑے پیمانے پر حملے کیے گئے ہیں
![پیرس :اولمپکس کے افتتاح کے موقع پر ریل نیٹ ورک پر حملہ، لاکھوں مسافر متاثر](/media/112838/conversions/Paris-1280x720.jpg)
پیرس: پیرس اولمپکس کی افتتاحی تقریب سے چند گھنٹے قبل فرانس کے تیز رفتار ریل نیٹ ورک پر بڑے پیمانے پر حملے کیے گئے ہیں۔ ان حملوں کی وجہ سے لاکھوں مسافروں کو مشکلات کا سامنا کرنا پڑا ہے۔
فرانس کی سرکاری ریلوے کمپنی ایس این سی ایف کے مطابق، ملک کے مختلف علاقوں میں ریلوے ٹریکوں کو نقصان پہنچایا گیا ہے اور کئی مقامات پر آگ لگائی گئی ہے۔ اس حملے کی وجہ سے فرانس کا تیز رفتار ریل نیٹ ورک مفلوج ہو گیا ہے اور بہت سے راستوں پر ٹرین سروس معطل کر دی گئی ہے۔ ایس این سی ایف کے چیف ایگزیکٹو جین پیئر فارانڈو کے مطابق، اس واقعے سے تقریباً 8 لاکھ مسافر متاثر ہوئے ہیں۔
فرانس کے وزیر اعظم گیبریل اٹل نے کہا ہے کہ فرانس کی سیکیورٹی فورسز جمعہ کو آتشزنی کے حملوں میں ملوث لوگوں کو تلاش کر رہی ہیں۔
بعض تجزیہ کاروں کا خیال ہے کہ یہ حملے کسی سیاسی یا سماجی گروہ کی جانب سے کیے گئے ہیں۔
یہ واقعہ اولمپکس گیمز کے آغاز کے لیے ایک بڑا دھچکا ہے اور اس سے کھلاڑیوں اور شائقین کو مشکلات کا سامنا کرنا پڑ سکتا ہے۔
یہ واقعہ فرانس کی سکیورٹی کے لیے ایک بڑا چیلنج ہے۔ یہ واقعہ عالمی سطح پر دہشت گردی کے خطرے کو اجاگر کرتا ہے۔
فرانس کی حکومت اس واقعے کی تحقیقات کر رہی ہے اور اس کے ذمہ داروں کو سزا دینے کی کوشش کرے گی۔ فرانس کی سکیورٹی فورسز کو مزید تقویت دی جائے گی۔ اولمپکس گیمز کو کامیابی سے منعقد کرنے کے لیے خصوصی اقدامات کیے جائیں گے۔
-
تجارت ایک دن پہلے
بجلی کے بلوں میں 2 روپے 63 پیسے فی یونٹ اضافے کا امکان
-
دنیا 2 دن پہلے
نیپال میں ٹیک آف کے دوران طیارہ حادثے کا شکار، 18 ہلاک
-
تجارت 2 دن پہلے
حکومت کا پٹرولیم مصنوعات کی قیمتوں کی ذمہ داری سے نکلنے کا فیصلہ
-
دنیا 2 دن پہلے
سابق برطانوی وزیرعظم رشی سونک نے پارٹی عہدے سے استعفیٰ دیدیا
-
پاکستان ایک دن پہلے
ٹیکنالوجی کے ساتھ ترقی نہ کی توپیچھے رہ جائیں گے، جسٹس عامر فاروق
-
جرم 2 دن پہلے
جعلی دستاویزات پر برطانیہ بھیجنے کے الزام میں 2 ملزمان گرفتار
-
پاکستان ایک دن پہلے
حکومت کا اتحادی بننا ہر پارٹی کی مجبوری ہے ، گورنر پنجاب
-
ٹیکنالوجی 11 گھنٹے پہلے
الیکٹرک گاڑیوں کا مستقبل خطرے میں؟