بانی پی ٹی آئی کی 9 مئی کے 12 مقدمات میں ضمانت کیلئے درخواست دائر

بانی پی ٹی آئی عمران خان نے 9 مئی کے 12مقدمات میں ضمانت کیلئے انسداد ہشتگردی عدالت سے رجوع کر لیا۔

بانی پی ٹی آئی نے اپنے وکیل سلمان صفدر کے ذریعے انسداد دہشتگردی عدالت میں ضمانت کی درخواستیں دائر کردیں۔

درخواستوں میں موقف اپنایا گیا کہ بانی پی ٹی آئی تمام مقدمات میں جوڈیشل ریمانڈ پر ہیں، عمران خان سے کسی قسم کی کوئی ریکوری نہیں ہونی، پولیس کیسز بدنیتی پر مبنی ہیں، انتقام کا نشانہ بنایا جا رہا ہے۔

دائر درخواست میں استدعا کی گئی ہے کہ انسداد ہشتگردی عدالت درخواست ضمانتیں بعد از گرفتاری منظور کرے۔

عمران خان ن ے جناح ہائوس حملہ کیس، عسکری ٹاور چلائو گھیرائو سمیت دیگر 12 مقدمات میں رہائی کی استدعا کی ہے۔

یاد رہے کہ 15 جولائی کو لاہور کی انسداد دہشت گردی کی عدالت نے پولیس کی بانی پی ٹی آئی عمران خان کی 9 مئی کے بارہ مقدمات میں جسمانی ریمانڈ کی درخواست پر 10 روزہ ریمانڈ دے دیا تھا۔