سنیارٹی اصول کے خلاف چیف جسٹس لاہور ہائیکورٹ عالیہ نیلم کی تقرری سپریم کورٹ میں چیلنج کردی گئی۔

لاہور ہائی کورٹ کی چیف جسٹس عالیہ نیلم کی تقرری کے خلاف درخواست پاکستان بار کونسل کے ممبر شفقت محمود چوہان کی جانب سے دائر کی گئی۔

درخواست گزار نے موقف اختیار کیا کہ چیف جسٹس عالیہ نیلم کی تقرری سنیارٹی کے اصول کے خلاف ہے اس لیے غیر آئینی ہے۔ الجہاد ٹرسٹ کیس میں سنیارٹی کا اصول طے ہوچکا ہے۔ عدالت جونئیرجج کی بطور چیف جسٹس تقرری کالعدم قرار دے۔

واضح رہے کہ جسٹس عالیہ نیلم نے 11 جولائی 2024 کو لاہور ہائی کورٹ کی پہلی خاتون چیف جسٹس کے عہدے کا حلف اٹھایا تھا۔

جسٹس عالیہ نیلم 2013 میں لاہور ہائی کورٹ کی ایڈیشنل جج کے طور پر تعینات ہوئیں۔ انہوں نے 16 مارچ 2015 کو بطور مستقل جج حلف اٹھایا۔ جسٹس عالیہ پنجاب میں انسداد دہشت گردی عدالت کی پہلی خاتون ایڈمینسٹریٹو جج بھی  رہ چکی ہیں۔

جسٹس عالیہ نیلم نے پنجاب میں ای کورٹس میں ٹرائل کے دوران شواہد اور بیانات ریکارڈ کرنے کے لیے اسٹینڈرڈ آپریٹنگ پروسیجر کی تیاری میں اہم کردار ادا کیا۔

پاکستان تحریک انصاف کے رہنما اور اسمبلی میں اپوزیشن لیڈر عمر ایوب نے کہا کہ آئندہ 2 ہفتےمیں گرینڈ الائنس بلانے جارہے ہیں، گرینڈالائنس کیلئے تمام جماعتوں سے رابطے ہوں گے۔

اڈیالہ جیل کے باہر اسد قیصر کے ہمراہ میڈیا سے گفتگو کرتے ہوئے عمر ایوب نے کہا کہ بانی پی ٹی آئی کا پیغام ہے کہ عوام 5 اگست کوصوابی پہنچیں اور عمران خان سے محبت کا ثبوت دیں۔ ہمارے اتحاد کا نام تحریک تحفظ آئین پاکستان ہے۔

عمرایوب کا مزید کہنا تھا کہ پی پی اورن لیگ کےپاور پلانٹس کی وجہ سے بجلی مہنگی ہوئی، ایوان صدر اور وزیراعظم ہاؤس کے خرچے بڑھ گئے ہیں۔ عوام پرٹیکس اور بوجھ بڑھ رہے ہیں جبکہ اپنےلئےمزے ہیں ۔

اپوزیشن لیڈر نے بتایا کہ پی ٹی آئی دورمیں ایوان صدراوروزیراعظم ہاؤس کے خرچے کم کیے تھے بشریٰ بی بی کے حوالے سے انکا کہنا تھا کہ بشریٰ بی بی کو کس جرم میں جیل میں رکھا گیا ہے، بشریٰ بی بی کا جرم کیا ہے؟ بشریٰ بی بی کا توشہ خانہ سے کوئی تعلق نہیں۔

انہوں نے کہا کہ بانی پی ٹی آئی نےاسماعیل ہنیہ کی شہادت پرافسوس کااظہارکیا، حماس رہنما کو ایران کی سرزمین پر شہید کرنے سے مسلمانوں میں غم وغصہ ہے، مغربی ممالک اسرائیلی جارحیت پرکیوں خاموش ہیں؟ کیا اسرائیل کوکوئی روکنےوالا نہیں ہے؟ عالمی برادری اسرائیل کوفلسطینیوں کے قتل عام سے روکے۔

اسد قیصر نے کہا کہ ان تمام جماعتوں کوملائیں گےجورجیم چینج کےخلاف ہیں، جوسڑکوں پرتحریک چلارہے ہیں ہم ان کواکھٹا کریں گے۔ تمام سیاسی قیدیوں کی رہائی کیلئے آواز اٹھائیں گے۔ہم جماعت اسلامی کے دھرنے اور مطالبات کی حمایت کرتے ہیں یہ ملک آئین وقانون کے مطابق چلے گا، مہنگائی اوربجلی کی قیمتوں میں اضافہ قبول نہیں کریں گے۔

سابق اسپیکر قومی اسمبلی نے کہا کہ جب تک آئین پر تمام سیاسی جماعتیں عمل نہیں کریں گی ملک آگے نہیں بڑھے گا۔یہ ملک آئین و قانون کے مطابق چلے گا ، ہمیں کسی صورت بجلی بلوں میں اضافہ قبول نہیں ہے۔ آج سابق چیئرمین پی ٹی آئی سے بات چیت ہوئی ہے، پی ٹی آئی بجلی بلوں میں اضافے کیخلاف جماعت اسلامی کےمطالبات کو سپورٹ کرتی ہے ۔

اسلام آباد : سابق وفاقی وزیر تجارت اعجاز گوہر نے ملک میں بجلی کے بڑھتے ہوئے بلز کے خلاف سخت تنقید کرتے ہوئے کہا ہے کہ حکومت کو کاروبار کرنے کی بجائے عوام کو سستی بجلی فراہم کرنے پر توجہ دینی چاہیے۔

ایک پریس کانفرنس میں خطاب کرتے ہوئے گوہر اعجاز نے کہا کہ ملک میں بجلی کے بل غیرمعقول حد تک بڑھ گئے ہیں اور اس سے عوام اور صنعت دونوں متاثر ہو رہی ہیں۔ انہوں نے الزام لگایا کہ بجلی کے بل میں جو رقم وصول کی جا رہی ہے وہ اصل لاگت سے کہیں زیادہ ہے۔

سابق وزیر نے کہا کہ کئی بجلی گھر بند پڑے ہیں لیکن ان سے متعلق اخراجات عوام پر مسلط کیے جا رہے ہیں۔ انہوں نے آئی پی پیز کے ساتھ معاہدوں کا فرانزک آڈٹ کا مطالبہ کیا اور کہا کہ اس سے پتہ چلے گا کہ عوام سے کتنا زیادہ پیسہ وصول کیا جا رہا ہے۔

اعجاز گوہر نے حکومت سے مطالبہ کیا کہ بجلی کے یونٹ کی قیمت میں کم از کم 16 روپے کا کمی کی جائے۔ انہوں نے کہا کہ اگر بجلی کے بل میں کمی نہیں کی گئی تو ملک میں معاشی بحران پیدا ہو جائے گا۔

اس موقع پر فیڈریشن آف پاکستان چیمبرز آف کامرس اینڈ انڈسٹری (اے پی سی سی آئی) کے عہدیدار بھی موجود تھے جنہوں نے اعجاز گوہر کی باتوں کی حمایت کی۔