بی جے پی کے 18 ممبرز کو اٹھا کر اسمبلی سے باہر پھینکوا دیا گیا

بی جے پی کے 18 ممبرز کو اٹھا کر اسمبلی سے باہر پھینکوا دیا گیا جبکہ احتجاجی دھرنا دینے کے باعث ممبران کو 2 روز کےلئے معطل بھی کردیا گیا ہے۔

تفصیلات کے مطابق ریاست جھاڑ کھنڈ کی اسمبلی میں گزشتہ 2 دنوں سے ہنگامی آرائی جاری ہے، جہاں اپوزیشن اراکین کی جانب سے وزیر اعلیٰ جھاڑ کھنڈ سے کئی مسائل پر جواب طلبی کا مطالبہ کیا جا رہا تھا۔

بھارتی میڈیا کے مطابق جھاڑ کھنڈ اسمبلی کے اسپیکر روندرا ماہاتو کی جانب سے بھارتیہ جنتا پارٹی کے 18ارکان اسمبلی کو 2 روز کے لیے معطل کردیا گیا ہے، اسپیکر کی جانب سے معطلی کا فیصلہ ارکان کے اسمبلی میں ہی بطور احتجاج نیند پوری کرنے کے باعث کیا گیا۔ 

اراکین کی جانب سے دھرنا دیا جا رہا تھا، تاہم اسمبلی کی سکیورٹی کی جانب سے چڑھائی کرتے ہوئے بی جے پی کے اراکین کو اٹھا کر کوریڈورز میں پھینک دیا گیا تھا۔ جس کے بعد اراکین کی جانب سے اسمبلی کے باہر ہی دھرنا شروع کر دیا گیا تھا۔