پیرس اولمپکس کی دوڑ سے مزید دو پاکستانی کھلاڑی باہر

پیرس: پاکستانی سپرنٹر فائقہ ریاض نے 100 میٹر کی دوڑ  میں حصہ لیا۔ 

فائقہ ریاض نے مقررہ فاصلہ 12.49 سیکنڈز میں مکمل کیا ، فائقہ ریاض نہ تو اپنی ہیٹ کے ٹاپ 10 میں اور نہ ہی اگلے 5 مجموعی طور پر بہترین کھلاڑیوں میں شامل ہوئیں اور اس طرح وہ 100 میٹر ریس کے فائنل راؤنڈ میں جگہ حاصل کرنے میں ناکام رہیں اور ایونٹ سے باہر ہو گئیں۔

پیرس اولمپکس سے آج باہر ہونے والی دوسری خاتون ایتھلیٹ کسمالہ طلعت تھیں جنہوں نے 25 میٹر ایئر پسٹل ایونٹ کوالیفکیشن میں حصہ لیا لیکن وہ فائنل راؤنڈ میں بھی جگہ نہ بنا سکیں۔

کسمالہ طلعت 40 شوٹرز میں 22 ویں نمبر پر رہیں۔ اس طرح پیرس اولمپکس میں شرکت کرنے والی تینوں پاکستانی خواتین کھلاڑیوں کا سفر اپنے اختتام کو پہنچا۔

واضح رہے کہ پیرس اولمپکس میں شرکت کرنے والے سات قومی ایتھلیٹس میں سے پانچ باہر ہو گئے ہیں، صرف شوٹر غلام بشیر اور ارشد ندیم ابھی کھیل میں باقی ہیں ۔

ان کے علاوہ دو پاکستانی تیراک اور ایک شوٹر گلفام جوزف پہلے ہی ایونٹ سے باہر ہو چکے ہیں ۔