پی سی بی کا ڈومیسٹک کرکٹ سیزن 2024-25  میں تین نئے چیمپئنز  ٹورنامنٹس کا اعلان

پی سی بی نے ڈومیسٹک کرکٹ سیزن 2024-25  میں تین نئے چیمپئنز  ٹورنامنٹس کا اعلان کردیا۔

تینوں فارمیٹس میں چیمپئنزکپ ون ڈے،چیمپئنزکپ ٹی ٹوئنٹی اور چیمپئنز فرسٹ کلاس کپ منعقد ہونگے،نئےسیزن کاآغازیکم ستمبرکوچیمپئنز کپ ون ڈے ٹورنامنٹ سے ہوگا۔

Men’s Domestic Cricket Season 2024-25 unveiled! ?

➡️ PCB introduces three Champions tournaments to bridge the gap between domestic and international cricket ?️

More details ➡️ https://t.co/BagRHv1CIN pic.twitter.com/lwst7taNRN

— Pakistan Cricket (@TheRealPCB) August 5, 2024

چئیرمین پی سی بی محسن نقوی  نےپریس کانفرنس کرتے ہوئےکہاان ٹورنامنٹس کا مقصد ہماری کرکٹ کو انٹرنیشنل معیار کےمطابق لانا ہے۔ہماری موجودہ رینکنگ پاکستان کی حقیقی صلاحیت کی عکاسی نہیں کرتی،اصل مقام بحال کرنا ہے،اس سیزن میں پاتھ وے اورڈیولپمنٹ سطح پر مجموعی طور پر تیرہ ہزار میچ کھیلے جائیں گے۔

لاہور میں بورڈ حکام کے ہمراہ پریس کانفرنس کرتے ہوئے چیئرمین پاکستان کرکٹ بورڈ (پی سی بی) محسن نقوی نے کہا ہے کہ ہمارا ڈومیسٹک نظام برا نہیں ہے، ہم ہر طریقے سے اپنی ڈومیسٹک کرکٹ کو مضبوط کریں گے۔ ڈومیسٹک سسٹم کے ساتھ کوئی چھیڑ چھاڑ نہیں کریں گے، ڈومیسٹک aسٹرکچر میں زیادہ تبدیلی کی ضرورت نہیں۔

PCB Chairman Mohsin Naqvi's press conference alongside Chief Operating Officer Salman Naseer and Advisor to Chairman on Cricket Affairs Waqar Younis on the Champions events and 2024-25 Men’s Domestic Cricket Calendar.

Watch Live ➡️ https://t.co/RTZTaoX9Dh pic.twitter.com/5RD8Xk0uOb

— Pakistan Cricket (@TheRealPCB) August 5, 2024

انہوں نے کہا کہ چیمپئنز کپ کا آغاز کرنے جارہے ہیں جس کیلئے 5 ٹیمیں بنائی جائیں گی، ہر ٹیم میں 30 کھلاڑی شامل ہوں گے، ٹورنامنٹ تینوں فارمیٹس پر مشتمل ہو گا، وقار یونس پانچوں ٹیموں کے سی ای اوز کی سربراہی کریں گے۔

محسن نقوی کا کہنا تھا کہ 30 لڑکوں کو پالش کرنے کی ذمہ داری ٹیم کے سی ای او کی ہو گی، چیمپئنز کپ میں بین الاقوامی کھلاڑی بھی شرکت کریں گے، وقار یونس کھلاڑیوں کو پالش کرنے کی ذمہ داری نبھائیں گے۔ ڈومیسٹک کپ میں 150 کھلاڑیوں کا پول ہو گا، ٹیم میں سے بہترین کھلاڑیوں کا انتخاب کیا جائے گا، ویمن کرکٹ کی بہتری کیلئے بھی لوگوں کو لا رہے ہیں۔

نئے تعینات ہونیوالے ایڈوائزر ٹو چیئرمین پی سی بی وقار یونس نے کہا کہ کرکٹ کے حالات ہمارے سامنے ہیں، چیزیں بہتر کرنی ہیں، کرکٹ کو نہیں نکھاریں گے تو یہ مزید نیچے چلی جائے گی۔ چیمپئنز کپ کی تجویز بہت اچھی ہے، امید ہے یہ کام کرے گی، چیئرمین پی سی بی کا نظریہ بہت پسند آیا، کھیل کا طریقہ بہتر ہونے تک بات آگے نہیں بڑھے گی۔

وقار یونس نے مزید کہا کہ پسند نا پسند والے معاملے کو درست کرنا ہو گا، پسند نا پسند ہماری تاریخ کا حصہ رہا ہے۔