پیرس اولمپکس میں پاکستانی کھلاڑی  ارشد ندیم نے اگلے مرحلے کیلئے کوالیفائی کرلیا

پیرس: پاکستان کے جیولن تھرو کے شہسوار ارشد ندیم نے پیرس اولمپکس میں شاندار آغاز کرتے ہوئے 86.59 میٹر کی تھرو کرکے اگلے مرحلے کے لیے کوالیفائی کرلیا ہے۔

اس مقابلے میں بھارت کے نیرج چوپڑا نے پہلی ہی کوشش میں 89 میٹر کی شاندار تھرو کرکے سب کو حیران کردیا اور پہلے نمبر پر رہے۔ پاکستان کے ارشد ندیم نے بھی اپنی پہلی ہی کوشش میں 86.59 میٹر کا شاندار ریکارڈ قائم کیا اور مجموعی طور پر دوسرے نمبر پر رہے۔

ارشد ندیم کی اس شاندار کارکردگی نے پورے پاکستان میں خوشی کی لہر دوڑا دی ہے۔ انہوں نے نہ صرف اپنے ملک کا نام روشن کیا بلکہ ایشیا میں جیولن تھرو کے کھیل کو بھی ایک نئی بلندیاں تک پہنچا دیا ہے۔