قومی اسمبلی کی پاکستانی اتھلیٹ ارشد ندیم کو بڑے سول ایوارڈ دینے کی سفارش

اسلام آباد : قومی اسمبلی نے متفقہ طور پر ایک قرارداد منظور کی ہے جس میں طلائی تمغہ جیتنے والے ارشد ندیم کیلئے سب سے بڑے سول ایوار ڈ کی سفار ش کی گئی ہے۔

وزیر قانون اعظم نذیر تارڑ کی طرف سے پیش کی گئی قرارداد میں ارشد ندیم کو پیرس اولمپکس میں سونے کا تمغہ جیتنے پر مبارکباد بھی پیش کی گئی ، قرارداد میں حکومت کو ملک میں کھیلوں کے فروغ کی تجویز دی گئی ہے۔

سپیکر قومی اسمبلی سردار ایاز صادق، وزیر دفاع خواجہ محمد آصف ، چیئرمین پاکستان پیپلز پارٹی بلاول بھٹو زرداری اور قائد حزب اختلاف عمرایوب کی طرف سے بھی ارشد ندیم کوطلائی تمغہ جیتنے پر مبارکباد پیش کی گئی۔

مسجد نبوی کے امام ڈاکٹر صالح بن محمد البدیر اور پاکستان میں سعودی سفیر نواف بن سعید احمد المالکی نے قومی اسمبلی کی کارروائی دیکھی۔

بعدازاں ایوان کی کارروائی ملتوی کر دی گئی۔