پیرس میں جاری کھیلوں کا سب سے بڑا میلہ اولمپکس 2024 آج اختتام پذیر ہو جائیں گے

پیرس میں جاری کھیلوں کا سب سے بڑا میلہ اولمپکس 2024 آج ختم ہو جائیں گے اب تک چین 39 میڈلز کے ساتھ سر فہرست ہے۔

فرانس میں پھولوں کے شہر پیرس میں 26 جولائی سے شروع ہونے والا کھیلوں کی دنیا کا سب سے بڑا میلہ پیرس اولمپکس 2024، سترہ روز تک شائقین کھیل کو محظوظ کرنے کے بعد آج اختتام پذیر ہو جائے گا۔

گیمز میں ہفتہ کی شب تک چین نے 39 گولڈ میڈلز کے ساتھ میڈل ٹیبل پر اپنی ٹاپ پوزیشن برقرار رکھی ہوئی ہے۔ چین کے کھلاڑیوں نے 27 گولڈ اور 24 کانسی کے تمغے حاصل کر رکھے ہیں اور میڈلز کی مجموعی تعداد 90 ہے۔

امریکا کے حاصل کردہ میڈلز کی مجموعی تعداد 122 ہیں، تاہم 38 گولڈ میڈلز حاصل کرنے کے باعث اس کی دوسری پوزیشن ہے۔ امریکی ایتھلیٹس نے 42 چاندی اور اتنے ہی کانسی کے تمغے حاصل کر رکھے ہیں۔

آسٹریلیا 18 گولڈ اور مجموعی طور پر 50 میڈلز کے ساتھ تیسری، جاپان 18 گولڈ اور 43 مجموعی میڈلاز کے ساتھ چوتھی جب کہ میزبان فرانس 16 سونے کے تمغوں کے ساتھ پانچویں پوزیشن پر موجود ہے۔

پیرس اولمپکس میں حصہ لینے والے 82 ممالک میں سے پاکستان ان 62 ممالک میں شامل ہے جنہوں نے طلائی تمغہ حاصل کیا ہے۔

ہفتے کے روز جاپان کی ایمی نے اولمپکس کے بریک ڈانس مقابلوں میں پہلا گولڈ میڈل جیت لیا۔ میراتھن میں ایتھوپیا کے ایتھلیٹ نے بازی ماری۔ ردھمک جمناسٹکس میں چین کے گروپ نے میدان مارا۔

پیرس اولمپکس کے تمام مقابلے اے اسپورٹس اور اے آر وائی زیپ پر براہ راست دکھائے جا رہے ہیں۔