پاکستان اوربنگلہ دیش اےسیریز،ٹرافی کی رونمائی کر دی گئی

پاکستان اوربنگلہ دیش اے کے مابین سیریزسے قبل دونوں کپتانوں نے ٹرافی کی رونمائی کی، پاکستان کیجانب سے سعود شکیل جبکہ بنگلہ دیش کے کپتان انعام الحق نے ٹرافی کی رونمائی کی۔    

بنگلہ دیش اے کے کپتان انعام الحق نے اسلام آباد میں میڈیا سے گفتگو کرتے ہوئے کہا کہ پاکستان کی کرکٹ ٹیم اچھی ٹیسٹ سائڈ ہے، ان سے کھیل کر ہماری اچھی پریکٹس ہو گی ہماری ٹیم وقت کے ساتھ ساتھ بہت بہتر ہو رہی ہے، اس وقت ٹیم کا باؤلنگ کمبینیشن کافی اچھا ہے۔

Shaheens to take on Bangladesh 'A' in first four-day on Tuesday

Read more ➡️ https://t.co/n83jFkTHdj#PAKvBAN

— PCB Media (@TheRealPCBMedia) August 12, 2024

انعام کا کہنا تھا کہ گرم موسم کی وجہ سے کھیلنے میں تھوڑی مشکل ہو گی لیکن اس سے ہماری تیاری اچھی ہوگی، ہم ہوم کرکٹ میں اچھا کھیلتے ہیں لیکن باہر جا کر مشکلات ہوتی ہیں ،اب ہماری ٹیم کافی اچھی ہے، ہم باہر جا کر بھی اچھی کرکٹ کھیل سکتے ہیں ،ہمیں بنگلہ دیش سے باہر کرکٹ کھیلنے کا موقع کم ملتا ہے،اچھا کھیل کر قوم کو خوش کرنے کی کوشش کریں گے۔

پاکستان اے کے کپتان سعود شکیل نے بھی اسلام آباد کلب میں میڈیا سے گفتگو کرتے ہوئے کہا کہ  بنگلہ دیش اے کے ساتھ میچ بہت اہم ہو گا، ٹیسٹ میچ سے قبل پریکٹس کا اچھا موقع ہے ،شاہین شاہ آفریدی ہمارا مین باؤلر ہے،نئی مینجمنٹ کے ساتھ ابھی تک کوئی زیادہ بات نہیں ہوئی،کوشش ہو گی پانچ میچز جیت کر فائنل کیطرف جائیں۔