خیبر پختونخوا میں دہشتگردوں کے حملے، ایک پولیس اہلکار شہید، ایک زخمی

خیبر پختونخوا کے علاقوں جمرود اور لوئر دیر میں پولیس چوکیوں پر دہشت گردوں نے حملے کر دیے۔ پولیس کے مطابق جمرود میں سخی پل پولیس پوسٹ اور تحصیل کمپاؤنڈ پر دہشت گردوں نے حملے کیے۔ تحصیل کمپاؤنڈ میں دہشت گردوں نے دستی بم پھینکا اور فائرنگ کی جبکہ سخی پل پولیس پوسٹ پر بھی بھاری فائرنگ کی گئی۔ خوش قسمتی سے ان حملوں میں پولیس اہلکار محفوظ رہے۔

دوسری جانب لوئر دیر کے علاقے جندول میں تھانا معیار کی پولیس چیک پوسٹ پر دہشت گردوں نے ہینڈ گرینیڈ اور دیگر اسلحے سے حملہ کیا۔ اس حملے میں ایک ہیڈ کانسٹیبل سیاست خان شہید ہو گئے جبکہ ایک اور اہلکار زخمی ہوا۔

پولیس کا کہنا ہے کہ تحصیل کمپاؤنڈ میں تھانہ جمرود سمیت مختلف سرکاری دفاتر قائم ہیں۔

پولیس حکام کا کہنا ہے کہ تحصیل کمپاؤنڈ میں تھانہ جمرود سمیت مختلف سرکاری دفاتر واقع ہیں۔ دونوں علاقوں میں پولیس نے بھرپور جوابی کارروائی کی جس کے نتیجے میں دہشت گرد فرار ہو گئے۔ پولیس نے علاقے میں وسیع پیمانے پر سرچ آپریشن شروع کر دیا ہے۔

شہید پولیس اہلکار کی شہادت پر مختلف سیاسی و سماجی شخصیات نے گہرے دکھ اور افسوس کا اظہار کیا ہے۔ انہوں نے شہید کے لواحقین سے اظہار تعزیت کرتے ہوئے کہا کہ وہ ہمیشہ یاد رکھے جائیں گے۔