کنگ چارلس III کے چہرے والا پہلا چھاپے جانے والا بینک نوٹ لاکھوں پاؤنڈز میں نیلام

ایک ناقابل یقین نیلامی میں کنگ چارلس III کے چہرے والا پہلا چھاپے جانے والا بینک نوٹ 914,127 پاؤنڈز میں نیلام ہوا ہے۔

جون میں گردش میں آنے والے ان بینک نوٹوں کی قیمت 78 ہزار  پاؤنڈز سے شروع ہوئی تھی جبکہ ان میں 5 پاؤنڈ، 10 پاؤنڈ، 20 پاؤنڈ اور 50 پاؤنڈ کے نوٹ شامل ہیں۔

ایسے نوٹ جمع کرنے کے شوقین افراد ان اشیاء کے لیے جدوجہد کرتے ہیں بالخصوص مطلوبہ سیریل نمبرHB01 00002 کیلئے جو 10 پاؤنڈز ہے اور اسکی قیمت 17 ہزار  پاؤنڈ میں ہے۔

میڈیا کے مطابق یہ نوٹ اب تک کسی بھی بینک آف انگلینڈ کے بینک نوٹ کی نیلامی میں سب سے مہنگا فروخت ہونے والا نوٹ ہے۔

نایاب نوٹ جمع کرنے کے شوقین افراد کو سب سے کم ممکنہ سیریل نمبر والے بینک نوٹ مطلوب ہوتے ہیں اور ایسے ہی نوٹون کو ترجیح دی جاتی ہے۔

 خاص طور پر وہ جو 00001 کے نمبر کے قریب ہوں۔

کنگ چارلس پر مشتمل 5 پاؤنڈ، 10 پاؤنڈ، 20 پاؤنڈ اور 50 پاؤنڈ کے نئے بینک نوٹ 5 جون کو برطانیہ میں گردش میں آئے، یہ پہلا موقع ہے جب بینک آف انگلینڈ  نے اپنے نوٹوں پر بادشاہ کو تبدیل کیا ہے۔ ملکہ الزبتھ دوم، جن کا انتقال ستمبر 2022 میں ہوا، 1960 میں سٹرلنگ بینک نوٹوں پر نمودار ہونے والی پہلی ملکی تھیں۔