پاکستان میں منکی پاکس کا ایک اورکیس، ملک میں تشویش کی لہر

اسلام آباد :پاکستان میں منکی پاکس کے ایک اور مشتبہ کیس کی تصدیق ہو گئی ہے۔ اسلام آباد کے پمز ہسپتال میں ایک 47 سالہ شخص کو منکی پاکس کے علامات کے ساتھ داخل کرایا گیا ہے۔ متاثرہ شخص سعودی عرب سے آیا ہے اور آزاد کشمیر کا رہائشی ہے۔

وزارت قومی صحت نے اس حوالے سے ایک بیان جاری کرتے ہوئے کہا ہے کہ خیبر پختونخوا سے تعلق رکھنے والا ایک اور شخص بھی منکی پاکس کے مشتبہ کیس کے طور پر سامنے آیا ہے جو خلیجی ملک سے آیا تھا۔ دونوں مریضوں کو ہسپتال میں قرنطینہ کر دیا گیا ہے اور ان کا علاج جاری ہے۔

اسلام آباد:پمز اسپتال میں منکی پاکس کا ایک اور مشتبہ کیس رپورٹ#GNN #BreakingNews #NewsUpdates #GNN_Updates pic.twitter.com/7ZLdKJiVoT

— GNN (@gnnhdofficial) August 19, 2024

ماہرین کا کہنا ہے کہ منکی پاکس ایک وائرل بیماری ہے جو چھوٹے جانوروں سے انسانوں میں پھیلتی ہے۔ اس بیماری کے علامات میں بخار، جسم میں درد، تھکاوٹ، گلے میں درد اور جلد پر دانے شامل ہیں۔

حکومت نے منکی پاکس کے پھیلاؤ کو روکنے کے لیے مختلف اقدامات اٹھائے ہیں۔ اس سلسلے میں ہسپتالوں میں خصوصی وارڈز قائم کیے جا رہے ہیں اور لوگوں کو احتیاطی تدابیر اختیار کرنے کی ہدایت کی جا رہی ہے۔