لاپتا یوٹیوبر عون علی کھوسہ گھر واپس پہنچ گئے

لاہور: کچھ روز قبل لاپتا ہونے والے معروف یوٹیوبر عون علی کھوسہ گھر واپس پہنچ گئے ہیں۔ ان کی وکیل خدیجہ صدیقی نے سوشل میڈیا پر اس بات کی تصدیق کی ہے۔ 

انہوں نے سوشل میڈیا پر جاری پیغام میں لکھا  ’خوش آمدید، اللہ آپ کی حفاظت کرے‘۔

خیال رہے کہ عون علی کھوسہ کو نامعلوم افراد نے گھر سے اغوا کر لیا تھا جس کے بعد ان کی بازیابی کے لیے پولیس میں مقدمہ درج کیا گیا تھا اور لاہور ہائیکورٹ نے بھی انہیں بازیاب کرانے کا حکم دیا تھا۔ عون علی کھوسہ کی بازیابی کے لیے معروف وکیل میاں علی اشفاق نے بھی عدالت میں کیس دائر کیا تھا۔ 

میاں علی اشفاق نے بھی تصدیق کی ہے کہ انہوں نے عون علی کھوسہ سے بات کی ہے اور اللہ تعالیٰ ان کی اور ان کے اہل خانہ کی حفاظت فرمائے۔