ٹیکنالوجی
گوگل نے پکسل 9 سیریز متعارف کرا دی، فولڈ ایبل فون بھی شامل
فونز جدید ترین ای آئی ٹیکنالوجی سے لیس ہیں اور ان میں کئی نئے فیچرز شامل کیے گئے ہیں
![گوگل نے پکسل 9 سیریز متعارف کرا دی، فولڈ ایبل فون بھی شامل](/media/115447/conversions/GooglePixel9pro-1280x720.jpg)
لاہور :گوگل نے اپنی نئی فون سیریز پکسل 9 متعارف کرا دی ہے۔ اس سیریز میں پکسل 9، پکسل 9 پرو، پکسل 9 پرو ایکس ایل اور سب سے اہم بات یہ ہے کہ پہلی بار پکسل 9 فولڈ ایبل فون بھی شامل ہے۔ یہ فونز جدید ترین ای آئی ٹیکنالوجی سے لیس ہیں اور ان میں کئی نئے فیچرز شامل کیے گئے ہیں۔
نئے پکسل فونز میں کیمرے کی کوالٹی کو بہتر بنایا گیا ہے۔ پکسل 9 پرو اور پکسل 9 ایکس ایل میں 50 میگا پکسل کا مین کیمرا اور 12 میگا پکسل کا سیلفی کیمرا دیا گیا ہے۔ فونز میں 5000 ایم اے ایچ کی بیٹری دی گئی ہے جو فاسٹ چارجنگ کو سپورٹ کرتی ہے۔
گوگل کے ای آئی سسٹم جیمنائی کو فونز میں شامل کیا گیا ہے جو فونز کو مزید جدید اور ہوشیار بنا دیتا ہے۔ فونز میں تصاویر اور پینٹنگز بنانے کے لیے کینواس فیچر کو بہتر بنایا گیا ہے۔ اس کے علاوہ، فونز میں جدید سیکیورٹی فیچرز بھی شامل کیے گئے ہیں۔
بڑے فونز میں 8.6 انچ کی اسکرین جبکہ منی فونز میں 4.6 انچ کی اسکرین دی گئی ہے۔ اس سے صارفین کو اپنی پسند کے مطابق فون کا انتخاب کرنے کا موقع ملے گا۔
گوگل کے نئے پکسل فونز کی قیمت 800 امریکی ڈالر سے شروع ہو کر 1100 امریکی ڈالر تک ہے۔ یہ فونز 22 اگست سے کمپنی کے پارٹنرز شاپس پر فروخت کے لیے دستیاب ہوں گے۔
عام طور پر گوگل اکتوبر میں اپنے فونز متعارف کراتا ہے لیکن اس بار اگست میں ہی متعارف کروا دیے گئے ہیں۔
گوگل کے نئے پکسل فونز جدید ترین ٹیکنالوجی سے لیس ہیں اور ان میں کئی نئے فیچرز شامل کیے گئے ہیں۔ یہ فونز اپنے حریفوں کے مقابلے میں کافی بہتر سمجھے جا رہے ہیں۔
تجارت
زرمبادلہ کے ذخائر میں ایک کروڑ 92 لاکھ ڈالر کا اضافہ
اسٹیٹ بینک نے مزید بتایا کہ زرمبادلہ کے ذخائر 14 ارب 66 کروڑ 74 لاکھ ڈالر کی سطح پر ہیں
![زرمبادلہ کے ذخائر میں ایک کروڑ 92 لاکھ ڈالر کا اضافہ](/media/115747/conversions/829619_24941788-1280x720.jpg)
اسلام آباد: زرمبادلہ کے سرکاری ذخائر میں ایک کروڑ 92 لاکھ ڈالر کا اضافہ ریکارڈ کیا گیا ہے۔
اسٹیٹ بینک آف پاکستان کے مطابق زرمبادلہ کے سرکاری ذخائر میں ایک کروڑ 92 لاکھ ڈالر کا اضافہ ہوا، 16 اگست تک زرمبادلہ کے سرکاری ذخائرکی مالیت 9 ارب 29 کروڑ 18 لاکھ ڈالر ریکارڈ کی گئی۔
اسٹیٹ بینک نے بتایا کہ کمرشل بینکس کے ذخائر میں 30 لاکھ ڈالرکا اضافہ ہوا جب کہ کمرشل بینکس کے پاس 5 ارب 37 کروڑ 56 لاکھ ڈالر کے ذخائر موجود ہیں۔
اسٹیٹ بینک نے مزید بتایا کہ زرمبادلہ کے ذخائر 14 ارب 66 کروڑ 74 لاکھ ڈالر کی سطح پر ہیں۔
پاکستان
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
سربراہ جے یو آئی نے کہا کہ سود کے مسئلے پربھی پوری قوم اورعلمائے کرام متفق ہیں، پاکستان کی سب سے بڑی عدالت نے پارلیمان کے فیصلے کوعزت دی
![مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان](/media/115739/conversions/1369426_5086884_FazalurRahmanAfghanistan_updates-1280x720.jpg)
مولانا فضل الرحمان نے سپریم کورٹ کے فیصلے پرکل یوم تشکرمنانے کا اعلان کر دیا۔
جے یو آئی ف کے سربراہ مولانا فضل الرحمان کا کہنا ہے کہ سپریم کورٹ نے مبارک ثانی کیس کے حتمی فیصلےکا اعلان کیا، سپریم کورٹ نے6فروری،24جولائی کےقابل اعتراض حصوں کوحذف کر دیا۔
سربراہ جے یو آئی ف نے کہا کہ دنیا کی کوئی طاقت عقیدہ ختم نبوت کے خلاف سازش نہیں کر سکتی، سپریم کورٹ اورپارلیمنٹ کا شکریہ ادا کرتا ہوں ، مولانافضل الرحمان نے کہا کہ اس معاملے پرحکومت اوراپوزیشن ایک تھی، سپریم کورٹ کے فیصلے پرخود وفاقی حکومت اپیل میں گئی۔
سربراہ جے یو آئی نے کہا کہ سود کے مسئلے پربھی پوری قوم اورعلمائے کرام متفق ہیں، پاکستان کی سب سے بڑی عدالت نے پارلیمان کے فیصلے کوعزت دی۔
مولانا فضل الرحمان نے مزید کہا کہ امت مسلمہ کی سوچ ایک ہی ہے، انسان سےغلطی ہوسکتی ہے، اہم مسئلے پراحتجاج بھی کرنا پڑتا ہے تاکہ ریاستی ادارے متوجہ ہوں، ہم یہی کہتے ہیں کہ غیرآئینی عمل کوسپورٹ نہ کیاجائے۔
پاکستان
ہاورڈ سکول کے طلبا کی چیف آف آرمی سٹاف سے ملاقات
سپہ سالار نے ملاقات میں پاکستان کے طلبا کی صلاحیتوں کا اجاگر کیا
![ہاورڈ سکول کے طلبا کی چیف آف آرمی سٹاف سے ملاقات](/media/115733/conversions/726505_49193356-1280x720.jpg)
ہاورڈ سکول کے طلبا کی چیف آف آرمی سٹاف سے ملاقات ۔
سپہ سالار نے ملاقات میں پاکستان کے طلبا کی صلاحیتوں کا اجاگر کیا ۔
انہوں نے مزید کہا کہ پاکستان کا مستقبل اب ان طلبا کے ہاتھ میں ہے کوئی بھی پاکستان کی تقدیر کا فیصلہ ان طلبا کے بغیر نہیں کر سکتا ۔
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
علاقائی ایک دن پہلے
سپریم کورٹ کی جانب سے حلقے این اے 97 میں دوبارہ گنتی کی درخواست مسترد
-
پاکستان 12 گھنٹے پہلے
آپریشن عزم استحکام کیلئے 20 ارب روپے گرانٹ کی منظوری
-
جرم ایک دن پہلے
اٹک میں نامعلوم افراد کی سکول وین پر فائرنگ: دو بچے جاں بحق
-
پاکستان 16 گھنٹے پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
پاکستان ایک دن پہلے
پنجاب میں 22 سے 24 اگست تک دفعہ 144 نافذ
-
پاکستان ایک دن پہلے
عمران خان اور بشری ٰ بی بی کے خلاف 190 ملین پاؤنڈز کیس کی سماعت بغیر کارروائی 23 اگست تک ملتوی
-
دنیا 2 دن پہلے
بھارتی وزیر اعظم نریندر مودی کا یوکرین کا دورہ ، بھارتی سازش بے نقاب