کھیل
پاکستان اور بنگلہ دیش ٹیسٹ میچ بارش کے باعث تاخیر کا شکار
شائقین کی توقعات پر پورا اترنے کے لیے پرعزم ہیں، کپتان شان مسعود
![پاکستان اور بنگلہ دیش ٹیسٹ میچ بارش کے باعث تاخیر کا شکار](/media/115556/conversions/Cricket-1280x720.jpg)
راولپنڈی : آئی سی سی ٹیسٹ چمپئن شپ کے تحت پاکستان اور بنگلہ دیش کے درمیان دو میچوں کی سیریز کا پہلا ٹیسٹ آج راولپنڈی کرکٹ اسٹیڈیم میں شروع ہو رہا ہے۔ تاہم بارش کی وجہ سے ٹاس میں تاخیر ہوئی۔
پاکستانی ٹیم چار فاسٹ بولرز کے ساتھ میدان میں اترے گی جبکہ بٹنگ لائن میں بابر اعظم، محمد رضوان، کپتان شان مسعود، سعود شکیل، عبداللہ شفیق اور سلمان علی آغا شامل ہیں۔
اس حوالے سے قومی ٹیم کے کپتان شان مسعود کا کہنا ہے کہ شائقین کی توقعات پر پورا اترنے کے لیے پرعزم ہیں۔ انہوں نے کہا کہ ٹیم میں بہت سارے باصلاحیت کھلاڑی ہیں اور وہ اچھی کارکردگی کا مظاہرہ کرنے کے لیے تیار ہیں۔
پاکستان کی پلیئنگ الیون میں کپتان شان مسعود، نائب کپتان سعود شکیل، عبداللّٰہ شفیق، صائم ایوب، بابر اعظم، محمد رضوان ( وکٹ کیپر)، سلمان علی آغا، شاہین شاہ آفریدی، نسیم شاہ ، خرم شہزاد اور محمد علی شامل ہیں۔
دوسری طرف بنگلا دیش اسکواڈ نجم الحسن شانتو (کپتان)، حسن محمود، لٹن داس، مہدی حسن میراز ، مومن الحق، مشفق الرحیم، ناہید رانا، نعیم حسن، شادمان اسلام، شکیب الحسن، شریف الاسلام، سید خالد احمد، تائجو الاسلام اور ذاکر حسن پر مشتمل ہے۔
جرم
رحیم یار خان : ڈاکوؤں نے نفری تبدیل کرنے والی پولیس گاڑیاں تباہ کر دیں ، 12 اہلکار شہید
کیمپ 2 پر ڈاکوؤں نے نفری تبدیل کرنے والی پولیس موبائلوں کو راکٹ لانچروں سے نشانہ بنایا
![رحیم یار خان : ڈاکوؤں نے نفری تبدیل کرنے والی پولیس گاڑیاں تباہ کر دیں ، 12 اہلکار شہید](/media/115746/conversions/2690600-police-1724345168-417-640x480-1280x720.jpg)
رحیم یار خان: پنجاب کے علاقے رحیم یار خان میں کچے کے ڈاکوؤں نے پولیس پر شدید حملہ کیا جس میں 11 اہلکار شہید جبکہ تین زخمی ہوگئے۔
کیمپ 2 پر ڈاکوؤں نے نفری تبدیل کرنے والی پولیس موبائلوں کو راکٹ لانچروں سے نشانہ بنایا۔
راکٹ لانچر کے حملے میں پولیس موبائلیں تباہ جبکہ 11 اہلکار موقع پر شہید اور تین زخمی ہوئے۔ واقعے کے بعد ضلع بھر کی پولیس کی بھاری نفری کو جائے وقوعہ پر طلب کرلیا گیا ہے جبکہ نفری کی قیادت ضلعی پولیس آفیسر عمران کررہے ہیں۔
واضح رہے کہ پولیس نے کچے میں ڈاکوؤں کی نقل و حرکت روکنے کیلیے ماچھکہ میں کیمپ قائم کیا ہوا تھا، جہاں پر 25 کے قریب مسلح ڈاکوؤں نے شدید حملہ کیا۔
صورت حال کے پیش نظر جائے وقوعہ پر ایمبولینسسز کو بھی طلب کرلیا گیا ہے۔
موسم
ملک کے بیشتر علاقوں میں آج بارش کا امکان
وفاقی دارالحکومت اسلام آباد اور گردونواح میں موسم گرم اور مرطوب رہنے کا امکان ہے
![ملک کے بیشتر علاقوں میں آج بارش کا امکان](/media/115757/conversions/Rain-1280x720.jpg)
اسلام آباد: محکمہ موسمیات نے ملک کے بیشتر علاقوں میں آج بارش کی پیشگوئی کی ہے۔ محکمہ کے مطابق ملک کے مختلف حصوں میں تیز ہواؤں اور گرج چمک کے ساتھ بارش کا امکان ہے۔
وفاقی دارالحکومت اسلام آباد اور گردونواح میں موسم گرم اور مرطوب رہنے کا امکان ہے تاہم شام اور رات کے اوقات میں تیز ہواؤں اور گرج چمک کے ساتھ بارش کی پیشگوئی کی گئی ہے۔
خیبر پختونخوا میں چترال، دیر، سوات، کوہستان، ایبٹ آباد، بونیر، مہمند، خیبر، باجوڑ اور مالاکنڈ سمیت کئی اضلاع میں بارش کا امکان ہے۔
پنجاب میں مری، گلیات، راولپنڈی، چکوال، جہلم، گجرات، گوجرانوالہ، لاہور، سیالکوٹ، نارووال، ساہیوال، ملتان، خانیوال، پاکپتن، بہاولپور، بہاولنگر اور ڈیرہ غازی خان سمیت متعدد شہروں میں بارش کی پیشگوئی کی گئی ہے۔
بلوچستان میں ژوب، بارکھان، موسیٰ خیل، قلات، خضدار اور گردونواح میں بارش کا امکان ہے۔
سندھ میں تھر پارکر، میرپورخاص، بدین، مٹھی، سانگھڑ، خیر پور اور گردونواح میں تیز ہواؤں اور گرج چمک کے ساتھ بارش کی پیشگوئی کی گئی ہے۔ ساحلی علاقوں میں ہلکی بارش اور بونداباندی کا امکان ہے۔
کشمیر اور گلگت بلتستان میں بھی کچھ علاقوں میں بارش کا امکان ہے۔
صحت
پنجاب: 24 گھنٹوں میں ڈینگی کے مزید 8 کیسز رپورٹ
ایک ہفتے میں 36 کیسز جبکہ رواں سال اب تک ڈینگی کے 296 کیسز رپورٹ ہوئے ہیں، ترجمان محکمہ صحت
![پنجاب: 24 گھنٹوں میں ڈینگی کے مزید 8 کیسز رپورٹ](/media/115768/conversions/Dengue-1280x720.jpg)
پنجاب میں ڈینگی کے کیسز میں اضافے کا سلسلہ جاری ہے۔ پنجاب میں گزشتہ 24 گھنٹوں کے دوران ڈینگی کے 8 کیسز سامنے آ گئے۔
ترجمان محکمہ صحت کے مطابق ایک ہفتے میں 36 کیسز جبکہ رواں سال اب تک ڈینگی کے 296 کیسز رپورٹ ہوئے ہیں۔
ڈینگی کیسز میں اضافہ ہو گیا!!#GNN #BreakingNews #NewsUpdates #GNN_Updates pic.twitter.com/NCui9GqDQk
— GNN (@gnnhdofficial) August 23, 2024
گزشتہ 24 گھنٹوں میں لاہور سے 2 جبکہ راولپنڈی میں 3 کیسز رپورٹ ہوئے ہیں۔اس کے علاوہ اکاڑہ ، ساہیوال، رحیم یار خان سے ایک ایک کیس رپورٹ ہوا۔
ترجمان کا کہنا ہے کہ تمام سرکاری ہسپتالوں میں ڈینگی سمیت دیگر ادویات کا اسٹاک موجود ہے۔
-
پاکستان ایک دن پہلے
پنجاب میں 22 سے 24 اگست تک دفعہ 144 نافذ
-
جرم ایک گھنٹہ پہلے
کارساز حادثے کی ایک اور سی سی ٹی وی فوٹیج سامنے آگئی
-
پاکستان 18 گھنٹے پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
پاکستان 16 گھنٹے پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
تجارت ایک دن پہلے
بجلی صارفین کو ریلیف پیکج کیلئے پنجاب حکومت نےسمری وفاق کو بھجوا دی
-
پاکستان 46 منٹ پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان
-
ٹیکنالوجی 2 دن پہلے
ٹیلی نار نے صارفین کی سہولت کیلئے ای سم متعارف کرادی