جینیفر لوپیز کا بین ایفلیک سے طلاق کیلئے عدالت سے رجوع

لاہور : ہالی ووڈ کی مشہور اداکارہ اور گلوکارہ جینیفر لوپیز اور اداکار بین ایفلیک نے علیحدہ ہونے کا فیصلہ کر لیا ہے۔

غیر خبر رساں ادارے کے مطابق جینیفر لوپیز نے طلاق کے کاغذات لاس اینجلس کاؤنٹی سپیریئر کورٹ میں جمع کرائے ہیں۔ تاہم اس حوالے سے اداکار جوڑے کے ترجمانوں کی جانب سے ابھی تک کوئی سرکاری بیان جاری نہیں کیا گیا ہے۔

جینیفر لوپیز اور بین ایفلیک کی جوڑی کو 2000 کی دہائی میں "بینیفر" کے نام سے جانا جاتا تھا۔ اس وقت دونوں کی منگنی بھی ہوئی تھی اور ان کی 6.1 قیرات کی پنک ہیرے کی انگوٹھی نے بڑی توجہ حاصل کی تھی لیکن 2003 میں دونوں نے علیحدگی اختیار کر لی تھی۔

کئی سال بعد دونوں کے درمیان دوبارہ قربت پیدا ہوئی اور جولائی 2022 میں انہوں نے لاس ویگس میں شادی کر لی۔ تاہم اب یہ شادی بھی زیادہ دیر تک قائم نہ رہ سکی اور دونوں نے دوبارہ علیحدہ ہونے کا فیصلہ کر لیا ہے۔