سی پیک کے دوسرے مرحلے پر کام شروع کردیا گیا ، وزیر منصوبہ بندی

خصوصی سرمایہ کاری سہولت کونسل (ایس آئی ایف سی)کی معاونت سے چین پاکستان اقتصادی راہداری کے دوسرے مرحلے پر کام شروع ہوگیا ہے۔

وزیر منصوبہ بندی و ترقی احسن اقبال نے کہ کہ حکومت سی پیک کی پانچ نئی اقتصادی راہداریوں پر چین کے ساتھ مل کر کام کرنے کیلئے پرعزم ہے۔

انہوں نے کہا کہ ان اقتصادی راہداریوں میں جدت، ذریعہ معاش ، ماحول دوست توانائی، علاقائی ترقی اور ملازمت کے مواقع پیدا کرنے کی راہداریاں شامل ہیں۔

وزیر منصوبہ بندی و ترقی احسن اقبال نے تفصیلات فراہم کرتے ہوئے کہا کہ یہ اقتصادی راہداریاں سی پیک کے دوسرے مرحلے کا حصہ ہیں۔

انہوں نے کہاکہ پاکستان اور چین نے ان پانچ راہداریوں پر کام کے آغاز پر اتفاق کیا ہے جو پاکستان کے 5Es کے ڈھانچے سے جڑی ہیں۔