محمد عامر پرفارم کرکے قومی ٹیم میں واپس آسکتے ہیں ، مصباح الحق

 ہیڈ کوچ قومی کرکٹ ٹیم مصباح الحق نے پریس کانفرنس میں کہا کہ محمد عامر کے بارے میں پہلے بھی کہہ چکا ہوں اور اب دوبارہ کہہ رہا ہوں کہ فااسٹ باؤلر پرفارمنس اور انجریز کی وجہ سے قومی ٹیم سے ڈراپ  ہوئے تھے ۔

میرا ان سے کوئی ذاتی مسلہ نہیں ہے ۔ وہ 2016میں میری کپتانی اور کوچنگ میں واپس آئے ، مجھے نہیں پتہ کہ محمد عامر کا کیوں مسلہ بنایا گیا ۔ محمد عامر نے انٹرنیشنل کرکٹ سے ریٹائرمنٹ لی ہوئی ہے ، اگر وہ ریٹائرمنٹ واپس لیتے ہیں اور اچھا پرفارم کرتے ہیں تو کیوں نہیں واپس آسکتے ۔

مصباح الحق کا مزید کہناتھاکہ ہمارے پاس وقت ہے اور ہم سیریز میں مسائل کو کم کرنے کی کوشش کریں گے تاہم فیلڈنگ میں زیادہ پریکٹس کی ضرورت ہوتی ہے ۔ انہوں نے کہا کہ سیریز میں سب کو محنت کرنی ہوگی ۔ فیلڈنگ میں بہتری خوش آئند بات ہے جس سے قومی کرکٹ ٹیم کا معیار بہتر ہوا ہے ۔ مصباح الحق نے کہا کہ کھلاڑی اچھی کارکردگی کی کوشش کررہے ہیں ، مڈل آرڈر کے مسائل پر تحفظات ہیں تاہم کوشش کریں گے کہ اسے حل کریں ، فیلڈنگ میں کیچز کم ڈراپ ہورہے ہیں۔

ہیڈکوچ نے مزید کہا کہ حارث رؤف نے تین سیریز میں اچھی کارکردگی دکھائی ، کورونا کی وجہ سے کھلاڑیوں کو مسائل کاسامنا رہا ، ورلڈ کپ میں جانے سے پہلے ٹیم کے لیے اچھا موقع ہے ۔ مصباح الحق نے کہا ہے کہ اعظم خان کو قومی ٹیم میں لانے کے لیے کسی قسم کا کوئی دباؤ نہیں تھا ۔ ان سے قبل نمبر پانچ اور چھ پر جن کھلاڑیوں کو موقع دیا گیا وہ پرفارم نہیں کرسکے ۔ اعظم خان کو ان کی صلاحیتوں اور بہترین سٹرائیک ریٹ کی وجہ سے موقع ملا ہے ۔

انہیں فٹنس بہتر بنانے کے لیے ٹارگٹ دیے گئے ہیں جن پر وہ نیشنل ہائی پرفارمنس سینٹر میں کام کررہے ہیں ۔