تفریح
پاکستانی اداکارہ مائرہ خان کی سوشل میڈیا اکاؤنٹ پر ایک دلچسپ ویڈیو
ویڈیو میں انہیں "لیلیٰ او لیلیٰ" گانے پر جھومتے اور دلکش انداز میں ڈانس کرتے دیکھا جا سکتا ہے
![پاکستانی اداکارہ مائرہ خان کی سوشل میڈیا اکاؤنٹ پر ایک دلچسپ ویڈیو](/media/117117/conversions/news-1725389718-5356-1280x720.jpg)
معروف پاکستانی اداکارہ مائرہ خان نے اپنے سوشل میڈیا اکاؤنٹ پر ایک دلچسپ ویڈیو شیئر کی ہے جو سوشل میڈیا پر وائرل ہوگئی ہے۔
اپنے سوشل میڈیا اکاؤنٹ انسٹاگرام سے جاری کردہ اس ویڈیو میں انہیں "لیلیٰ او لیلیٰ" گانے پر جھومتے اور دلکش انداز میں ڈانس کرتے دیکھا جا سکتا ہے۔
View this post on Instagram
ویڈیو میں مائرہ خان کی شاندار اداکاری اور انرجی نے مداحوں کو خوب محظوظ کیا، منفرد انداز کو سوشل میڈیا پر بھرپور پذیرائی مل رہی ہے،مداح ان کے خوشگوار موڈ کی تعریفیں کر رہے ہیں۔
پاکستان
مولانا فضل ا لرحمن کی پی ڈبلیو ڈی ملازمین پر تشدد کی سخت مذمت
جمعیت علمائے اسلام کے سربراہ مولانا فضل الرحمن نے مزید کہا کہ کفایت شعاری کرنی ہے تو غریب کے چولہے نہ بجھائیں
![مولانا فضل ا لرحمن کی پی ڈبلیو ڈی ملازمین پر تشدد کی سخت مذمت](/media/117095/conversions/367202_5032820_updates-1280x720.jpg)
سربراہ جے یو آئی مولانا فضل الرحمن نے پی ڈبلیو ڈی ملازمین پر تشدد کی سخت مذمت کی ہے۔
تفصیلات کے مطابق مولانا فضل الرحمن نے کہا کہ پی ڈبلیو ڈی کے ملازمین پر شیلنگ اور تشدد افسوسناک ہے ، انہوں نے کہا کہ صرف غریب ملازمین کو نوکریوں سے نکالا جا رہا ہے، جبکہ اشرافیہ کی مراعات میں آئے روز اضافہ ہو رہا ہے۔
سربراہ جے یو آئی نے کہا کہ نہتے مظاہرین پر پولیس گردی قبول نہیں، گرفتار مظاہرین کو فوری رہا کیا جائے۔
جمعیت علمائے اسلام کے سربراہ مولانا فضل الرحمن نے مزید کہا کہ کفایت شعاری کرنی ہے تو غریب کے چولہے نہ بجھائیں۔
پاکستان
الیکشن کمیشن کی سینٹ قائمہ کمیٹی کو اخراجات پر بریفنگ دینے سے معذرت
الیکشن کمیشن آزاد آئینی ادارہ ہے، کسی وزارت کے ماتحت نہیں ہے، ای سی پی
![الیکشن کمیشن کی سینٹ قائمہ کمیٹی کو اخراجات پر بریفنگ دینے سے معذرت](/media/117097/conversions/Election_Commission_of_Pakistan-1280x720.jpg)
الیکشن کمیشن نے سینیٹ کی قائمہ کمیٹی پارلیمانی امور کو کمیشن کے ممبران، ملازمین کی تنخواہیں، اخراجات اور عام انتخابات کے اخراجات پر بریفنگ دینے سے معذرت کرلی۔ اور مؤقف اپنایا کہ الیکشن کمیشن آزاد آئینی ادارہ ہے، کسی وزارت کے ماتحت نہیں ہے۔
سینیٹ کی قائمہ کمیٹی پارلیمانی امور کا ہمایوں مہمند کی زیر صدارت اجلاس ہوا جس کے ایجنڈے میں الیکشن کمیشن ممبران، ملازمین کی تنخواہ، سفر کے اخراجات اور 8 فروری کے الیکشن خراجات کی تفصیلات مانگی گئی تھیں، تاہم الیکشن کمیشن آف پاکستان نے بریفنگ دینے سے معذرت کرلی ہے۔
رپورٹ کے مطابق سیکرٹری الیکشن کمیشن نے وزارت پارلیمانی امور کو خط لکھا، جس میں کہا کہ الیکشن کمیشن کے بجٹ پر قومی اسمبلی میں ووٹنگ نہیں ہوتی، الیکشن کمیشن مانگی گئی معلومات کمیٹی کو دینے کا پابند نہیں۔الیکشن کمیشن، الیکشن قوانین اور آئینی معلات پر قانون سازی کے معاملات پر معاونت کر سکتا ہے۔
خط میں لکھا گیا کہ الیکشن کمیشن آزاد آئینی ادارہ ہے، ’کسی وزارت کے ماتحت نہیں‘، الیکشن کمیشن قائمہ کمیٹی پارلیمانی امور کے دائرہ اختیار میں نہیں، الیکشن کمیشن کے اخراجات چارجڈ اخراجات میں آتے ہیں۔
چیئرمین کمیٹی ہمایوں مہمند نے کہا کہ رولز کے تحت ہمیں کسی شخص کو طلب کرنے، دستاویزات، ریکارڈ لینے کا اختیار ہے، الیکشن کمشن اور چیف الیکشن کمشنر کو ہم بلا سکتے ہیں۔الیکشن کمیشن والے کہتے ہیں وہ پارلیمنٹ کو جواب دہ نہیں جس پارلیمنٹ نے ان کی تخلیق کی اس کو وہ کہتے ہم آپ کو جوابدہ نہیں۔
انہوں نے کہا کہ میں اس پر استحقاق کمیٹی جاؤں گا، یہ سینیٹ کی تضحیک ہے ہم چیئرمین سینیٹ کی رائے لے لیتے ہیں۔
دنیا
نیویارک کے گورنرکی سابق معاون پر چینی ایجنٹ کے طور پر کام کرنے کا الزام
پولیس نے 41 سالہ لنڈا سن اور ان کے 40 سالہ شوہر کرس ہو کو منگل کی صبح گرفتار کر لیا
![نیویارک کے گورنرکی سابق معاون پر چینی ایجنٹ کے طور پر کام کرنے کا الزام](/media/117118/conversions/2698011-lindasun-1725417758-935-640x480-1280x720.jpg)
نیویارک کے گورنر کیتھی ہوچل کی سابق معاون لنڈا سن پر چینی ایجنٹ کے طور پر کام کرنے کا الزام عائد کیا گیا ہے۔
سابق معاون پر الزام عائد کیا گیا ہے کہ انہوں نے لاکھوں ڈالر کے معاوضے اور تحفوں کے بدلے خفیہ طور پر چینی حکومت کے ایجنٹ کے طور پر کام کیا۔
پولیس نے 41 سالہ لنڈا سن اور ان کے 40 سالہ شوہر کرس ہو کو منگل کی صبح گرفتار کر کے بروکلین میں امریکی مجسٹریٹ جج پیگی کوو کے سامنے پیش کیا۔
بروکلین میں وفاقی استغاثہ کا کہنا تھا کہ ریاستی حکومت میں کام کرتے ہوئے سن نے تائیوان کی حکومت کے نمائندوں کو حکام سے ملاقات سے روک دیا اور نیویارک کے ایک اعلیٰ سطحی عہدیدار کو چین کے دورے کا انتظام کرنے کی کوشش کی۔
اس کے بدلے میں چینی حکومت کے نمائندوں نے مبینہ طور پر ہو کے لیے لاکھوں ڈالر کی لین دین کا انتظام کیا۔
استغاثہ کا کہنا ہے کہ سن اور ہو نے 2024 میں فیراری روما اسپورٹس کار، نیو یارک کے لانگ آئی لینڈ اور ہونولولو میں 6 ملین ڈالر مالیت کی جائیداد خریدنے کے لیے رقم استعمال کی۔
-
پاکستان 20 گھنٹے پہلے
سردار اختر مینگل کا قومی اسمبلی کی رکنیت سے مستعفی ہونے کا اعلان
-
دنیا ایک دن پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
پاکستان 21 گھنٹے پہلے
عمران خان کا فوجی تحویل میں دیئے جانے کیخلاف ہائیکورٹ سے رجوع
-
علاقائی 12 گھنٹے پہلے
بلوچستان میں کو ئی آپریشن نہیں کرنے جا رہے ، وزیر داخلہ
-
پاکستان 16 گھنٹے پہلے
وزیراعظم محمد شہباز شریف سے متحدہ قومی موومنٹ پاکستان کے وفد کی ملاقات
-
پاکستان ایک دن پہلے
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا
-
جرم ایک دن پہلے
اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی
-
دنیا ایک دن پہلے
شکاگو :ریلوے اسٹیشن پر نامعلوم حملہ آور کی فائرنگ، 4 مسافرہلاک