وفاقی وزیر خزانہ محمد اورنگزیب کی زیر صدارت اقتصادی رابطہ کمیٹی کے اہم اجلاس کا اعلامیہ جاری  کردیا گیا ۔  

اعلامیہ کے مطابق ای سی سی میں اہم فیصلوں سمریوں کی منظوری دیدی  گئی، وزارت خارجہ کی شنگھائی کانفرنس کے لئے  ایک  ارب روپے کے اضافی فنڈز کی سمری پیش وزارت خارجہ کی سمری پر فیصلہ موخر  کردیاگیا،وزارت پیٹرولیم کی کیپٹو پاور پلانٹس کو گیس کی سپلائی انتہائی محدود کرنے کی سمری پیش ہوئی ۔  

اعلامیہ کے مطابق  ای سی سی نے وزارت مواصلات کی سمری چترال ہائی وے کے سول ورک کی سمری منظور کرلی ۔  

 ای سی سی نے گندم کی سال 2015،16 میں دی جانیوالی سبسڈی کےلئے238.42ملین روپے کے فنڈز کی منظوری  دے دی،جبکہ  پاکستان کاٹن سنٹرل کمیٹی کے ملازمین کی تنخواہوں کےلئے 656ملین   روپے قرض لینے کی منظوری بھی دے دی گئی۔   

سعودی عرب غیرملکی ملازمین کو سہولیات دینے کے لحاظ سے دوسرا بہترین ملک بن گیا۔

جرمن انٹرنیشنز نیٹ ورک کی جانب سے کسی بھی ملک میں غیرملکی ملازمین کو سہولیات فراہم کرنے کے سلسلے میں گزشتہ ماہ سروے کرایا گیا تھا جس میں سعودی عرب دنیا میں غیرملکی ملازمین کے لیے بہترین ملک کے طور پر دوسرے نمبر پر آگیا ہے۔

بیرون ملک کام کرنے والے ملازمین کو سہولت دینے کے لحاظ سے انڈیکس میں ڈنمارک پہلے نمبر پر ہے ۔سعودی عرب کو سروے میں شامل نصف سے زیادہ شرکاء نے اسے ایک مثبت لیبر مارکیٹ قرار دیا ہے۔

سروے کے مطابق سعودی عرب میں 75فیصد تارکین وطن کارکنوں کا خیال ہے کہ مملکت میں ملازمت کرنے سے ان کے کیریئر میں بہتری کے امکانات کافی بڑھ گئی ہیں۔ سروے کے 5اشاریوں کی وجہ سے سعودیہ غیرملکی کارکنوں کے لیے بہترین مقامات کے طور پر دنیا کے ٹاپ ٹین ممالک میں شامل ہوا۔

تحریک انصاف کے اراکین اسمبلی کی پارلیمنٹ ہاؤس میں گرفتاری کے معاملہ پر سپیکر قومی اسمبلی نے وزارت داخلہ کوخط لکھ دیا۔

میڈیا رپورٹس کے مطابق خط میں کہا گیا کہ وزارت داخلہ گرفتاریوں کے حوالے سے تحقیقات کرے، تحقیقات کے حوالے سے وزارت داخلہ سپیکر قومی اسمبلی کورپورٹ پیش کرے۔

دوسری جانب وزارت داخلہ میں تحقیقاتی کمیٹی تشکیل دئیے جانے کے حوالے سے بھی مشاورت کی جارہی ہے۔