تجارت
سونے کی فی تولہ قیمت ایک بار پھرتاریخ کی بلند ترین سطح پر پہنچ گئی
24 قیراط کے سونے کی قیمت آج 400 روپے بڑھ کر 266300 روپے فی تولہ کی نئی بلند ترین سطح پر پہنچ گئی
کراچی : ملک میں سونے کی قیمت میں آج ایک بار پھر تاریخی اضافہ دیکھنے میں آیا ہے۔
بین الاقوامی سطح پر سونے کی قیمت میں 11 ڈالر کا اضافہ ریکارڈ کیا گیا ہے اور یہ 2577 ڈالر فی اونس کی نئی بلند ترین سطح پر پہنچ گئی ہے۔ اس کے اثرات مقامی مارکیٹ میں بھی واضح طور پر نظر آئے ہیں اور سونے کی قیمت میں بھی اضافہ ہوا ہے۔
مقامی صرافہ بازاروں میں 24 قیراط کے سونے کی قیمت آج 400 روپے بڑھ کر 266300 روپے فی تولہ کی نئی بلند ترین سطح پر پہنچ گئی ہے۔ اسی طرح 10 گرام سونے کی قیمت بھی 343 روپے بڑھ کر 228308 روپے ہو گئی ہے۔ یہ دونوں قیمتیں ملک کی تاریخ میں سونے کی سب سے زیادہ قیمتیں ہیں۔
دوسری جانب چاندی کی قیمت میں کوئی خاص تبدیلی نہیں دیکھی گئی اور یہ فی تولہ 2950 روپے اور فی 10 گرام 2529.14 روپے کی سطح پر مستحکم رہی۔
صحت
پنجاب میں ڈینگی کے کیسز میں اضافہ، راولپنڈی سب سے زیادہ متاثر
گزشتہ 24 گھنٹوں کے دوران صوبے بھر سے 40 نئے ڈینگی کے مریض سامنے آئے ہیں
لاہور :پنجاب میں ڈینگی کے کیسز میں مسلسل اضافہ ہورہا ہے۔ محکمہ صحت پنجاب کے مطابق گزشتہ 24 گھنٹوں کے دوران صوبے بھر سے 40 نئے ڈینگی کے مریض سامنے آئے ہیں۔
محکمہ صحت کے ترجمان کے مطابق سب سے زیادہ 37 کیسز راولپنڈی سے رپورٹ ہوئے ہیں۔ اس کے علاوہ لاہور، بہاولپور اور میانوالی سے ایک ایک کیس رپورٹ ہوا ہے۔
محکمہ صحت نے عوام کو ڈینگی سے بچاؤ کے لیے احتیاطی تدابیر اختیار کرنے کی ہدایت کی ہے۔ شہریوں کو مشورہ دیا گیا ہے کہ وہ اپنے گھروں کے اطراف پانی جمع نہ ہونے دیں، مکھیوں کو پکڑنے کے لیے جال استعمال کریں اور ڈینگی کے مچھر کے کاٹنے سے بچنے کے لیے مکمل آستین کے کپڑے پہنیں۔
صحت کے محکمے کی جانب سے جاری کردہ اعداد و شمار کے مطابق پنجاب میں ڈینگی کے کل کیسز کی تعداد میں نمایاں اضافہ ہوا ہے۔۔
تفریح
اربوں کے فراڈ میں ملوث معروف بھارتی اداکارہ شوہر سمیت گرفتار
سکیورٹی اینڈ ایکسچینج بورڈ آف انڈیا کے ساتھ رجسٹریشن کے بغیر غیر قانونی طور پر اسٹاک ٹریڈنگ کا کاروبار چلا رہا تھا
ممبئی:آسام پولیس نے آن لائن اسٹاک ٹریڈنگ کے نام پر ہزاروں لوگوں سے 2200 کروڑ روپے کا فراڈ کرنے کے الزام میں معروف بھارتی فلم اسٹار اور کوریوگرافر سومی بورا اور ان کے فوٹوگرافر شوہر تارکک بورا کو گرفتار کر لیا ہے۔
پولیس کے مطابق یہ جوڑا سکیورٹی اینڈ ایکسچینج بورڈ آف انڈیا (SEBI) کے ساتھ رجسٹریشن کے بغیر غیر قانونی طور پر اسٹاک ٹریڈنگ کا کاروبار چلا رہا تھا اور اس طرح ہزاروں لوگوں کو مالیاتی فراڈ کا نشانہ بنایا۔
گرفتاری کے بعد سومی بورا نے ایک ویڈیو پیغام میں ان الزامات کو مسترد کرتے ہوئے کہا ہے کہ وہ اس فراڈ میں ملوث نہیں ہیں اور ان کے خلاف میڈیا ٹرائل کیا جا رہا ہے۔ تاہم پولیس کا کہنا ہے کہ ان کے پاس اس جوڑے کے خلاف کافی شواہد موجود ہیں۔
آسام کے پولیس سربراہ گیانیندر پرتاپ سنگھ نے ایکس (سابقہ ٹوئٹر) پر ایک پوسٹ میں کہا ہے کہ "ان کا کھیل اب ختم ہوا ہے۔"
اداکارہ سومی بورا اور ان کے شوہر کی گرفتاری کے بعد مزید لوگوں کی گرفتاری کا امکان ہے۔
جرم
پنجاب کے مختلف شہروں میں سی ٹی ڈی کے آپریشن، 9 دہشت گرد گرفتار
یہ کارروائیاں لاہور، میانوالی، بہاولپور، رحیم یار خان، ساہیوال، راولپنڈی، فیصل آباد، جہلم اور چکوال میں کی گئیں، ترجمان
لاہور : پنجاب کے مختلف شہروں میں محکمہ انسداد دہشتگردی (سی ٹی ڈی) نے انٹیلی جنس بیسڈ آپریشن کرتے ہوئے 9 دہشتگردوں کو گرفتار کر لیا ہے۔
تفصیلات کےمطابق پنجاب میں دہشت گردی کے خطرات کو پیش نظر محکمہ انسداد دہشت گردی (سی ٹی ڈی) نے صوبے کے مختلف شہروں میں 71 انٹیلیجنس بیسڈ آپریشنزکئے ، اس دوران 9 دہشت گردوں کو گرفتار کرلیا ہے۔
سی ٹی ڈی کے ترجمان کے مطابق یہ کارروائیاں لاہور، میانوالی، بہاولپور، رحیم یار خان، ساہیوال، راولپنڈی، فیصل آباد، جہلم اور چکوال میں کی گئیں۔ ان آپریشنز میں میانوالی سے فتنہ الخوارج کا ایک خطرناک دہشت گرد اور فیصل آباد سے داعش کا ایک دہشت گرد گرفتار کیا گیا۔
سی ٹی ڈی کے پنجاب کے مختلف شہروں میں آپریشنز!!#LatestNews #BreakingNews #WhatsAppChannel #GNN pic.twitter.com/SpVbrukfsy
— GNN (@gnnhdofficial) September 14, 2024
دہشت گردوں کے قبضے سے دھماکہ خیز مواد، ہینڈ گرنیڈز، ڈیٹونیٹرز، حفاظتی فیوز وائر، گولیاں، اسلحہ، موبائل فون اور نقدی برآمد کی گئی ہے۔
ترجمان کا مزید کہنا ہے کہ گرفتار کیے گئے دہشت گردوں کی شناخت عبدالکریم، عثمان، عمران صدیقی، شانی، شوکت، احمد خان، شیراز محمود، سعید الرحمن اور مستجاب کے نام سے ہوئی ہے۔ ان کا ارادہ مختلف مقامات پر دہشت گردانہ کارروائیاں کرکے عوام میں خوف و ہراس پھیلاؤ کا تھا۔
سی ٹی ڈی نے رواں ہفتے میں 978 کومبنگ آپریشنز کے دوران 78 مشتبہ افراد کو گرفتار کیا اور 34694 افراد سے پوچھ گچھ کی۔
-
تجارت 2 دن پہلے
سونے کی قیمتوں میں اضافے کے بعد بڑی کمی
-
تجارت 2 دن پہلے
پاکستان میں پیٹرول کی قیمتوں میں مزید کمی کا امکان
-
دنیا ایک دن پہلے
شراب پالیسی کیس میں نئی دہلی کے وزیراعلیٰ اروند کجریوال کی ضمانت منظور، رہائی کا حکم
-
پاکستان 3 گھنٹے پہلے
عدالت کا پی ٹی آئی رہنما شعیب شاہین کو فوری رہا کرنے کا حکم
-
پاکستان ایک دن پہلے
وزیراعلیٰ خیبرپختونخوا سے افغان قونصل جنرل حافظ محب اللہ شاکی کی ملاقات
-
پاکستان ایک دن پہلے
وزارت خزانہ کا مہنگائی کے تناسب سے ریٹائرڈ ملازمین کی پنشن بڑھانے کا فیصلہ
-
پاکستان ایک دن پہلے
12 ربیع الاول کے ساتھ 11ربیع الاول کی بھی چھٹی ہونی چاہیے، گورنر سندھ
-
تفریح 3 گھنٹے پہلے
اربوں کے فراڈ میں ملوث معروف بھارتی اداکارہ شوہر سمیت گرفتار