چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے چین کا سرکاری دورہ کیا سینٹرل ملٹری کمیشن کے وائس چیئرمین جنرل ھئی وی ڈونگ اور چیف آف جنرل لی ژھن لئی سے بھی ملاقات کی ۔

پاک فوج کے شعبہ تعلقات عامہ (آئی ایس پی آر)  کےمطابق جنرل ساحر شمشاد مرزا نے ملٹری کمیشن اور 11 ویں بیجنگ ژیانگ شان فورم میں علاقائی امن و استحکام  کیلئے پاکستان کے کردار پر اظہار خیال کیا، ملاقاتوں کے دوران دونوں اطراف سے متعدد شعبوں میں پاکستان اور چین کے گہرے اور تاریخی تعلقات کو سراہا گیا۔

آئی ایس پی آر کے مطابق ملاقات میں دوطرفہ اسٹریٹجک تعاون پر مبنی شراکت داری اور دفاعی تعاون میں پیش رفت کا اعتراف کیا گیا جبکہ چینی قیادت نے پاکستان کی علاقائی سالمیت اور خودمختاری پر حمایت  کیلئے  اپنے غیرمتزلزل عزم کا اعادہ بھی کیا۔ 

بنگلہ دیش کی سابق وزیر اعظم خالدہ ضیا کی حالت نازک، پرائیویٹ اسپتال میں داخل کرادیا گیا۔طبیت بہتر ہونے پر علاج کے لئے بیرون ملک منتقل کیا جائے گا۔

بی این پی میڈیا سیل کے رکن سیر الکبیر خان نے میڈیا کو بریفنگ دیتے ہوئے کہا ہے کہ بنگلہ دیش نیشنلسٹ پارٹی ( بی این پی) کی سربراہ 79 سالہ خالدہ ضیا اپنی رہائش سے تقریباً 1.40 بجے ’ایورکیئر اسپتال‘ پہنچیں جہاں ان کی کئی طرح کی جانچ کرائی گئی اور اب رپورٹ کا انتظار ہے۔
تفصیلات کے مطابق خالدہ ضیا کے ڈاکٹر پروفیسر اے زیڈ ایم زاہد حسین نے کہا کہ میڈیکل بورڈ نے کئی ٹیسٹ کرانے کی ہدایت دی گئی ہے اور اسپتال میں داخل ہونے کے بعد انھیں ایک پرائیویٹ کیبن میں رکھا گیا ہے۔ انھوں نے مزید کہا کہ ٹیسٹ کے ریزلٹس کو ریویو کرنے کے بعد آگے علاج کیا جائے گا۔

یادرہے 21 اگست کو خالدہ ضیا اسی اسپتال سے 45 دنوں تک علاج کرا کر گھر لوٹی تھیں۔ سابق وزیر اعظم گزشتہ پانچ سالوں سے گھر میں نظر بند بھی تھیں۔

؎انھیں 6 اگست کو بنگلہ دیش کے صدر محمد شہاب الدین کے حکم پر رِہا کر دیا گیا تھا۔ 5 اگست کو ان کی سخت حریف شیخ حسینہ کی قیادت والی عوامی لیگ حکومت گر گئی تھی، جس کے بعد انھیں ان کے خلاف سبھی الزامات سے بری کر دیا گیا تھا۔
بی این پی چیف طویل مدت سے کئی طرح کی بیماریوں سے نبرد آزما ہیں۔ مثلاً انھیں لیور سیروسس، ذیابیطس، گردہ، پھیپھڑا، قلب اور آنکھوں سے متعلق کئی طرح کے مسائل کا سامنا ہے۔ ماہر ڈاکٹروں کے ایک گروپ کے ذریعہ 23 جون کو ان کے سینے میں ’پیس میکر‘ لگایا گیا تھا۔ نومبر 2021 میں لیور سیروسس کا پتہ چلنے کے بعد سے ان کے ڈاکٹر انھیں بیرون ملک بھیجنے کا مشورہ دے رہے ہیں۔

کوئٹہ : بلوچستان کے علاقے کچلاک میں پولیس موبائل کے قریب دھماکا ہوا ہے جس کے نتیجے میں 2پولیس اہلکار شہید ہو گئے ہیں۔ پولیس کے مطابق پولیس کی ایک موبائل پر ریموٹ کنٹرول بم سے حملہ کیا گیا ۔

واقعے کی تفصیلات کے مطابق دھماکا اس وقت ہوا جب پولیس موبائل اپنی معمول کی گشت پر تھی۔ دھماکے کی شدت اتنی زیادہ تھی کہ پولیس موبائل مکمل طور پر تباہ ہو گئی اور دو پولیس اہلکار شدید زخمی ہو گئے۔ زخمیوں کو فوری طور پر قریبی ہسپتال منتقل کیا گیا لیکن افسوسناک طور پر دونوں راستے میں ہی دم توڑ گئے۔

پولیس حکام نے بتایا کہ دھماکے کی نوعیت اور اس کے پیچھے ملوث افراد کی شناخت کے لیے تحقیقات جاری ہیں۔ بم ڈسپوزل اسکواڈ کی ٹیمیں بھی موقع پر موجود ہیں اور وہ شواہد اکٹھے کر رہی ہیں۔