پاکستان بین الاقوامی ایٹمی ایجنسی کے بورڈ کا رکن منتخب

اسلام آباد : پاکستان کو 21ویں بار انٹرنیشنل اٹامک انرجی ایجنسی (آئی اے ای اے) کے بورڈ آف گورنرز کا رکن منتخب کر لیا گیا ہے۔ یہ اعزاز پاکستان اور پاکستان اٹامک انرجی کمیشن کی امن اور ترقی کے لیے جوہری توانائی کے استعمال میں آئی اے ای اے کے بصیرت انگیز اقدامات میں فعال شرکت کی عکاسی کرتا ہے۔

آئی اے ای اے کی 68ویں جنرل کانفرنس میں پاکستان کے لیے کئی اہم کامیابیاں حاصل ہوئیں۔ 

اس کے علاوہ پاکستان اٹامک انرجی کمیشن کے نامور ہسپتال نیوکلیئر میڈیسن، آنکولوجی اینڈ ریڈیو تھراپی انسٹی ٹیوٹ (نوری) کو بین الاقوامی سطح پر کینسر کی تشخیص، علاج اور علاقائی رکن ممالک کے ساتھ مہارت کے اشتراک میں اس کے کلیدی کردار کے اعتراف میں سراہا گیا۔

یہ اعتراف بین الاقوامی جوہری توانائی ایجنسی کے ڈائریکٹر جنرل رافیل ماریانو گروسی نے خود 68ویں جنرل کانفرنس کے موقع پر دو سائیڈ لائن ایونٹس میں شرکت کے دوران کیا۔

پاکستان کو آئی ای اے بورڈ آف گورنرز کارکن منتخب کر لیا گیا#GnnNews #LatestNews #BreakingNews #NewsUpdates #GNN pic.twitter.com/VfWIuNm1YH

— GNN (@gnnhdofficial) September 20, 2024

یہاں یہ بات قابل ذکر ہے کہ ریز آف ہوپ اینکر سینٹرز تعلیم، تربیت، تحقیق، جدت اور کوالٹی ایشورنس جیسے اہم شعبوں میں پڑوسی ممالک کو ٹارگٹڈ سپورٹ کے ذریعے کینسر کی مساوی دیکھ بھال کو آگے بڑھانے میں اہم کردار ادا کرتے ہیں۔

آئی اے ای اے کے پہلے پانچ اینکر سینٹرز کا ایک سال مکمل ہونےکے موقع پر اس تقریب کا انعقاد کیا گیا تاکہ ان مراکز کی جانب سے حاصل کی گئی پیشرفت کو نمایاں کیا جا سکے۔