بھارتی نوجوان گلوکارہ رخسانہ بانو کا انتقال، اہلخانہ کا زہر دینے کا الزام

بھارتی گلوکارہ رخسانہ بانو 27 برس کی عمر میں انتقال کر گئیں۔ بھارتی میڈیا رپورٹس کے مطابق گلوکارہ کو 27 اگست سے ہسپتال میں بیکٹیریا کی وجہ سے بننے والی بیماری اسکرب ٹائفس کا علاج جاری تھا، لیکن بدقسمتی سے ان کا انتقال بدھ کی رات کو ہو گیا۔

دوسری جانب گلوکارہ کی والدہ اور بہن نے ان کی موت پر ایک حریف گلوکار کو مورد الزام ٹھہرایا ہے۔ ان کا کہنا ہے کہ 15 روز قبل ایک شوٹنگ کے دوران جوس پینے کے بعد رخسانہ کی طبیعت بگڑی تھی اور انہیں ہسپتال منتقل کیا گیا تھا۔ ان کا یہ بھی کہنا ہے کہ رخسانہ کو ماضی میں بھی دھمکیاں مل چکی تھیں۔

بھارتی پولیس نے اس واقعے کی تحقیقات شروع کر دی ہیں اور اہلخانہ کی جانب سے دی گئی شکایت کی بنیاد پر مزید تفتیش کی جا رہی ہے۔