لاہور ہائیکورٹ : پی ٹی آئی رہنماء کی نظر بندی کالعدم قرار ، فوری رہا کرنے کا حکم

لاہور : لاہور ہائیکورٹ نے پاکستان تحریک انصاف کے رہنما اور آزاد کشمیر اسمبلی کے ممبر غلام محی الدین کی نظر بندی کو کالعدم قرار دیتے ہوئے ان کی فوری رہائی کا حکم دے دیا ہے۔

جسٹس اسجد جاوید گھرال نے غلام محی الدین کی اہلیہ صبا دیوان کی درخواست پر سماعت کرتے ہوئے یہ فیصلہ سنایا۔ درخواست گزار کی جانب سے بیرسٹر میاں علی اشفاق اور رانا معروف ایڈووکیٹ عدالت میں پیش ہوئے۔ 

دوران سماعت عدالت نے پنجاب حکومت کے جواب پر شدید برہمی کا اظہار کیا۔ پنجاب حکومت کے وکیل نے عدالت کو بتایا کہ انہوں نے درخواست گزار کی درخواست کو پیر کے لیے فکس کیا ہوا ہے۔ اس پر عدالت نے سوال کیا کہ نظر بندی کے جواز کے طور پر حکومت کے پاس کیا مواد ہے؟۔

بعد ازاں لاہور ہائی کورٹ نے غلام محی الدین کی نظر بندی کو کالعدم قرار دیتے ہوئے ان کو فوری طور پر رہا کرنے کا حکم دے دیا۔