آئی ٹی سیکٹر ایکسپورٹ سے متعلق اچھی خبریں آ رہی ہیں ، شزہ فاطمہ

وزیر مملکت آئی ٹی شزہ فاطمہ کا کہنا ہے کہ آئی ٹی سیکٹر ایکسپورٹ سے متعلق اچھی خبریں آ رہی ہیں۔
اسلام آباد میں پاکستان سافٹ ویئر ہاؤسز ایسوسی ایشن پاشا کے زیر اہتمام تقریب میں وزیر مملکت آئی ٹی شزہ فاطمہ نے بطور مہمان خصوصی شرکت کی۔

وزیر مملکت آئی ٹی شزہ فاطمہ خواجہ نے تقریب سے خطاب میں کہا کہ گزشتہ ہفتوں میں کچھ سیکٹر سے متعلق اچھی خبریں آئیں ہیں۔

وزیر مملکت کا کہنا تھا کہ انڈیکس میں پاکستان مڈ ٹیئر سے ہائی ٹیئر کیٹیگری میں شامل ہوا، پاکستان کے آئی ٹی سیکٹر ایکسپورٹ سے متعلق بھی اچھی خبر آئی۔

انہوں نے کہا کہ گزشتہ ہفتوں میں پاکستان سائبر سیکیورٹی درجہ بندی میں ٹیئر ون میں شامل ہوا، ای جی ڈی آئی انڈیکس میں 2 سال کے بعد پاکستان کیلئے اچھی خبرآئی ہے۔