طالبان کی بڑی کارروائی،تاجکستان کیساتھ افغان سرحد پر قبضہ کرلیا

غیرملکی میڈیا کے مطابق افغانستان کےشہر قندوز سے 50کلومیٹر دور واقعہ شیرخان بندر پورٹ پر طالبان کی جانب سے قبضہ کر لیا گیا ہے جو کہ اب تک طالبان کی اہم ترین کاروائیوں میں سے ایک ہے۔

طالبان نے ایک گھنٹے کی جھڑپ کے بعد افغان فورسز سے پورٹ حاصل کی، تاجکستان کیساتھ تمام سرحدی چیک پوسٹ اور شیر خان بندر کا علاقہ بھی طالبان کے قبضے میں چلاگیا۔

صوبہ قندوز کے رکنِ کونسل نے تاجکستان سرحد طالبان کے قبضے میں جانے کی تصدیق کردی ہے۔

افغان فوجی افسر کا کہنا ہے کہ طالبان کے حملے کےبعد افغان فوجیوں کو چیک پوسٹ چھوڑنا پڑی، کچھ اہلکارتاجکستان کیساتھ سرحد عبور کرگئے۔ طالبان نے آج صبح دھاوا بولا، ہر طرف سینکڑوں طالبان جنگجو تھے۔

افغان فوجی افسرکاشناخت ظاہرنہ کرنے کی صورت میں  غیر ملکی خبرایجنسی کو بیان دیا گیا جبکہ طالبان ترجمان ذبیح اللہ مجاہد کارروائی کی تصدیق کردی گئی ہے۔