بھارتی وزیر خارجہ ایس جے شنکر شنگھائی تعاون تنظیم کے اجلاس میں شرکت کیلئے اسلام آباد پہنچ گئے

بھارتی وزیر خارجہ ایس جے شنکر اسلام آباد پہنچ گئے۔
اسلام آباد: بھارت کے وزیر خارجہ ایس جے شنکر اسلام آباد میں جاری شنگھائی تعاون تنظیم کے اجلاس میں شرکت کے لیے پاکستان پہنچ گئے۔
تفصیلات کے مطابق بھارتی وزیر خارجہ ایس جے شنکر کے طیارے نے نور خان ائیرپورٹ پر لینڈ کیا۔جے شنکر شنگھائی تعاون تنظیم کے اجلاس میں شریک ہوں گے۔ذرائع کے مطابق بھارتی وزیر خارجہ کی پاکستانی حکام سے کوئی ملاقات متوقع نہیں۔
واضح رہے کہ اس سے قبل کرغیزستان کے وزیراعظم بھی اجلاس میں شرکت کے لیے پاکستان پہنچے جہاں وفاقی وزیر برائے پٹرولیم مصنوعات مصدق ملک نے ان کا استقبال کیا۔
اس کے علاوہ بیلا روس کے وزیر اعظم گولاف چینکو پاکستان پہنچے، وفاقی وزیر قانون اعظم نذیر تاڑر  نے ان کا استقبال کیا۔
اس کے علاوہ تاجکستان کے وزیر اعظم خیر رسول زودہ بھی پاکستان پہنچے ، وفاقی وزیر جام کمال نے ان کا شاندار استقبال کیا۔
ترکمانستان کابینہ  کے ڈپٹی چیئرمین راشد مریوف پاکستان پہنچے تو وفاقی وزیر خالد مقبول صدیقی نے ان کا والہانہ استقبال کیا، اس موقع پر راویتی لباس میں ملبوس بچوں نے معزز مہمانوں کو گلد ستے پیش کیے۔ایران اور روس سمیت دیگر ممالک کے وفود بھی پاکستان پہنچ چکے ہیں
واضح رہے کہ چینی وزیر اعظم گزشتہ روز ہی پاکستان پہنچ چکے تھے جہاں پاکستانی وزیرآعظم شہاز شریف نے اپنے چینی ہمنصب کا شاندار استقبال کیا اور ان کو گارڈ آف آنر بھی پیش کیا گیا۔