لاہور میں دھماکہ کیسے ہوا؟ عینی شاہد کا بیان سامنے آگیا

دھماکے سے اردگرد کی عمارتوں  اور گاڑیوں کے شیشے ٹوٹ گئے، دھماکے سے ایک گھر اور   3 گاڑیاں تباہ ہوگئیں ۔ زخمیوں کو جناح ہسپتال منتقل کیا جا چکا ہے ۔ سی سی پی او غلام محمود ڈوگر، سی ٹی او لاہور منتظر مہدی بھی دھماکے کی جگہ پر موجود ہیں۔ سی سی پی او غلام محمود ڈوگر کا کہنا ہےکہ دھماکہ کی نوعیت کا تعین کیا جارہا ہے ،امدادی سرگرمیوں میں کوئی رکاوٹ نہیں آنی چاہیے۔

وزیر اعلیٰ عثمان بزدار کی جناح ہسپتال اور دیگر ہسپتالوں میں میں ایمرجنسی نافذ کرنے ہدایت ، زخمیوں کو ہر ممکن طبی امداد فراہم کی جائے ۔ وزیراعلیٰ پنجاب نے دھماکے کا نوٹس لیتے ہوئے آئی جی پنجاب سے رپورٹ طلب کرلی ۔ دھماکے کے ذمہ داروں کو فی الفور قانون کی گرفت میں لایا جائے ۔

عینی شاہد خاتون نے جوہر ٹاؤن دھماکے  کا آنکھوں دیکھا حال بیان کردیا۔عینی شاہدخاتون کا کہنا  ہےکہ دھماکہ خیز مواد موٹر سائیکل کے ساتھ نصب تھا، جب دھماکے کی آواز سنائی دی ہم اکٹھے ہوئے تو موٹرسائیکل کو پھٹتے دیکھا، میں یہاں سے تین مرتبہ گزری تھی،لیکن دھماکے بعد اب یہاں موٹرسائیکل نہیں ہے۔ 

I think the video circulating on social media with gas pipeline leakage is not the same what happened in johar tow.
See the real videos from spot.#JoharTown #johartownblast pic.twitter.com/twHiVnFpHU

— Nabeel Khokhar (@NabeelJkhokhar) June 23, 2021

جوہر ٹاؤن میں دھماکے بعد صوبائی دارالحکومت لاہور کی سکیورٹی ہائی الرٹ کردی گئی, ڈی آئی جی آپریشنز  نے شہر کے داخلی، خارجی راستوں پر سکیورٹی بڑھانے کا حکم دیدیا، ڈی آئی جی آپریشنز نے ہدایت کی ہے کہ چیک پوسٹوں پر چیکنگ کا عمل مزید سخت کیاجائے۔