بلاول بھٹو زرداری  مولانا فضل الرحمان سےملاقات کے لیے ان کے گھر پہنچ گئے۔ 
مولانا فضل الرحمان کے گھر سیاسی رہنماوں اسد قیصر،راجہ ناصر عباس اور دیگر کی آمد جاری، آئینی ترمیم کے حوالے سے تبادلہ خیال۔
اسلام آباد میں مولانا فضل الرحمان سے ملاقات کے لیے بلاول بھٹو انکی رہائش گاہ پہنچ گئے، ملاقات میں آئینی ترمیم اور ملکی سیاسی صورتحال پر تبادلہ خیال کیا جائے گا،
واضح رہے کہ حکومت مولانا کے ساتھ آئینی ترمیم کو لے کر  اتفاق رائے پیدا کرنے کوشش کر رہی ہے، پاکستان مسلم لیگ ن اور پیپلز پارٹی آئینی عدالت کے قیام سے پیچھے ہٹ گئیں ہیں  تاہم آئینی بینچ کے قیام کے معاملے میں اتحادی جماعتوں اور جے یو آئی کے درمیان اتفاق رائے ہو چکا ہے۔
آئینی ترمیم کے حوالے سے مختلف سیاسی رہنماوں کی مولانا فضل الرحمان کے گھر آمد کا سلسلہ جاری ہے۔

وفاقی کابینہ کا اجلاس صبح تک موخرکر دیا گیا۔

تفصیلات کے مطابق وفاقی کابینہ کا اجلاس صبح ساڑھے 9 بجے دوبارہ ہو گا،کابینہ اجلاس میں آئینی ترمیم کی منظوری دی جائے گی ،کل ہی آئینی ترمیم پارلیمنٹ میں پیش کرنے اور منظوری لینے کا امکان ہے۔

مخصوص نشستوں کا معاملہ، سپریم کورٹ نے دوسری دفعہ وضاحت جاری کر دی۔
مخصوص نشستوں کے حوالے سے سپریم کورٹ کے 8 ججوں نے الیکشن کیمشن کی درخواست پر دوسری دفعہ وضاحت جاری کرتے ہوئے کہا کہ الیکشن ایکٹ ماضی سے لاگوں نہیں ہو گا۔
اسلام آباد سپریم کورٹ نے مخصوص نشستوں کے فیصلے پر ایک دفعہ پھر وضاحت جاری کر دی، سپریم کورٹ کے 8 اکثریتی ججوں نے الیکشن کمیشن کی درخواست پر وضاحت کرتے ہوئے کہا کہ الیکشن ایکٹ میں ترمیم اور ماضی سے اطلاق کر کے سپریم کورٹ کے اکثریتی فیصلے کو ختم نہیں کیا جا سکتا،سپریم کے ججوں نے وضاحت جاری کرتے ہوئے کہا کہ الیکشن کمیشن کو سپریم کورٹ کے 12 جولائی کے فیصلے پر عمل کرتے ہوئے مخصوص نشستیں تحریک انصاف کو دینا ہو گی
الیکشن کمیشن کی درخواست پر سپریم کورٹ کے 8 ججز نے وضاحت جاری کرتے ہوئے کہا کہ الیکشن ایکٹ میں ترمیم کا اطلاق ماضی سے نہیں ہو گا سپریم کورٹ کے ججز کا  مزید کہنا تھا کہ الیکشن کمیشن، الیکشن ایکٹ میں ترمیم کو جواز بناکر سپریم کورٹ کے اکثریتی فیصلے سے انحراف نہیں کر سکتا۔
واضح رہے کہ سپریم کورٹ نے اپنے 12 جولائی کے اکثریتی فیصلے میں  کہا تھا کہ مخصوص نشستیں تحریک انصاف کی ہے اور الیکشن کمیشن کو پابند کیا گیا تھا کہ وہ یہ نشستیں تحریک انصاف کو دے، جس پر الیکشن کمیشن نے الیکشن ایکٹ میں ترمیم کو جوازبنا کر سپریم کورٹ سے وضاحت طلب کی تھی تاہم آج سپریم کورٹ نے الیکشن کمیشن کی درخواست پر دوسری مرتبہ وضاحت جاری کرتے ہوئے کہا کہ الیکشن کمیشن تحریک انصاف کو مخصوص نشستیں دینے کا پابند ہے۔