نواز شریف براستہ دبئی لندن روانہ

پارٹی ذرائع کے مطابق سابق وزیراعظم  نواز شریف بیرون ممالک دوروں کے لئے لاہور ائیر پورٹ سے صبح 9 بج کر 22 منٹ پر غیر ملکی ائیرلائن کی پرواز ای کے 625 کے ذریعے دبئی روانہ ہوئے ، دبئی میں نواز شریف ایک روز قیام کے بعد لندن جائیں گے۔

 غیر ملکی دوروں کے دوران نواز شریف امریکا، لندن اور یورپ بھی جائیں گے،ذرائع کے مطابق نواز شریف  29 اکتوبر کو لندن سے امریکا جائیں گے، امریکا میں 4 روز قیام کے بعد واپس لندن پہنچیں گے۔

واضح رہے کہ نواز شریف نے لندن میں اپنے چیک اپ کے لئے جانا تھا،مگر آئینی ترامیم کے باعث انہوں نے اپنا دورہ پہلے ملتوی کیا تھا، اب وہ لندن میں اپنا چیک اپ کروائیں گے اس کے علاوہ اہم سیاسی ملاقاتیں بھی کریں گے۔

ذرائع کے مطابق وزیر اعلیٰ پنجاب مریم نواز کا نومبر کے پہلے ہفتے میں برطانیہ کے نجی دورے پر جانے کا امکان ہے ،جہاں  دونوں رہنما 5 مختلف ممالک کےدوروں کےدوران اہم ملاقاتیں کریں گے۔