سونے کی آسمان سے باتیں کرتی قیمتیں گرنا شروع ہو گئیں

سونے کی آسمان سے باتیں کرتی قیمتیں گرنا شروع ہو گئیں، عالمی و مقامی مارکیٹوں میں دوسرے روز بھی قیمت میں کمی ریکارڈ کی گئی۔

مقامی صرافہ مارکیٹوں میں بھی 24 قیراط کے حامل فی تولہ سونے کی قیمت 800 روپے کی کمی سے 2 لاکھ 82 ہزار 300روپے کی سطح پر آگئی اور فی 10 گرام سونے کی قیمت بھی 686روپے کی کمی سے 2 لاکھ 42 ہزار 27 روپے کی سطح پر آگئی۔

سونے کی قیمتوں میں کمی کے برعکس فی تولہ چاندی کی قیمت بغیر کسی تبدیلی کے 3350روپے کی سطح پر مستحکم رہی اور فی 10 گرام چاندی کی قیمت بھی بغیر کسی تبدیلی کے 2872.08 روپے کی سطح پر مستحکم رہی۔

بین الاقوامی بلین مارکیٹ میں آج جمعے کو فی اونس سونے کی قیمت 8ڈالر کی کمی سے 2726 ڈالر کی سطح پر آگئی۔