پنجاب یونیورسٹی تصادم :  سینئر سیکیورٹی افسرذمہ دار قرر

پنجاب یونیورسٹی میں چند روز قبل  طلبہ اور سیکیورٹی گارڈز  کے درمیان ہونے والے تصادم کی ابتدائی رپورٹ سامنے  آ گئی ہے.

ابتدائی رپورٹ  میں تحقیقاتی کمیٹی نے سینئر سیکیورٹی  افسر کو واقعے کا ذمہ دار قرار دیتے ہوئے عہدے سےبرطرف کرنے کی سفارش کر دی ہے ۔ 

کمیٹی نے اپنی سفارشات میں سینئر سیکیورٹی عہدیدار کو برطرف کرنے کی سفارش کی ہے،کمیٹی کے مطابق سکیورٹی گارڈز نے سینئر سیکیورٹی افسر کے حکم پر قانون ہاتھ میں لینے کی کوشش کی، سینئر سیکیورٹی آفیسر نے مخالف طلبا تنظیم کے نمائندے کا کردار ادا کیا۔

انکوائری کمیٹی نے واقعے میں ملوث طلبا کےخلاف بھی کارروائی کرنے کی سفارش کی ہے،کمیٹی ذرائع کا کہنا ہے کہ پتھراؤ اور بوتلوں سے حملہ کرنے والے طلبا کے خلاف ڈسپلنری ایکشن لیا جائے.

واضح رہے کہ پنجاب یونیورسٹی میں پیش آنے والے واقعہ پر وائس چانسلر پنجاب یونیورسٹی  ڈاکٹر محمد علی نے تحقیقات کے لیے کمیٹی تشکیل دی تھی، کمیٹی نے اپنی تحقیقات مکمل کرکے سفارشات پیش کر دی ہے۔