لاہور دھماکہ :سی ٹی ڈی اور حساس اداروں نے شواہد محفوظ کرنے کا عمل مکمل کر لیا،ذرائع

جی این این کے مطابق حساس اداروں اورکاؤنٹر ٹیررازم ڈپارٹمنٹ ( سی ٹی ڈی) نے  جائے وقوعہ سے بال بیرنگ، لوہے کے ٹکڑے  اور گاڑی کےپارٹس اکٹھے کر لئے ہیں ۔ تحقیقاتی اداروں کی جانب سے جیو فینسنگ کا عمل مکمل کر لیا  گیا ہے ۔ دھماکےکے بعد سی ٹی ڈی کے مختلف شہروں میں  چھاپوں کا سلسلہ جاری ہے ، چھاپوں میں کئی مشکوک افرادکوحراست میں لےلیاگیا ہے ۔ دھماکہ کے بعد آج صبح شہر مہں چیک پوانٹس پر پولیس کی سرچنگ کی گئی ۔

مزید پڑھیں : سکولوں میں سکینڈ شفٹ شروع کرنے کا فیصلہ

 واضح رہے کہ گزشتہ روز لاہور کے علاقے جوہر ٹاؤن میں دھماکہ ہوا جس میں تین افراد جاں بحق جبکہ دو درجن کے قریب افراد زخمی ہوگئے تھے ۔ دھماکے کے بعد سیکیورٹی اداروں نے علاقے کو گھیرے میں لیکر تحقیقات کا آغاز کردیا تھا۔

مزید پڑھیں : اپنے چوری شدہ موبائل سے نجی معلومات کیسے ڈیلیٹ کریں ؟

زخمیوں کو جناح ہسپتال منتقل کردیا گیا تھا۔ آج صبح ہسپتال انتظامیہ کے مطابق جناح  ہسپتال میں 24 زخمی لائے گئے تھے ۔ گزشتہ روز 3 زخمی  جاں بحق ہوگئے تھے ۔ دس زخمیوں کو دسچارج کردیا گیا ہے ۔ جناح اسپتال میں دھماکے کے 11 زخمی زیر علاج ہیں جبکہ چار زخمیوں کی حالت تشویشناک ہے ۔

مزید پڑھیں : عمران خان کے خواتین کےلباس سے متعلق بیان پر جمائما کا ردعمل سامنے آگیا