اینٹی وائرس سافٹ ویئر کے بانی ' جان میکافی' کی جیل میں مبینہ خودکشی

تفصیلات کے مطابق اینٹی وائرس سافٹ ویئر کے بانی 'جان میکافی' اسپین کی جیل میں اپنے سیل میں مردہ حالت میں پائے گئے۔  محکمہ انصاف کے مطابق  جیل کے ڈاکٹروں نے ان کی جان بچانے کی ہر ممکن کوشش کی، لیکن وہ کامیاب نہیں ہوسکے۔غیر ملکی خبر ایجنسی کے مطابق اسپین کے شہر بارسلونا کی عدالت نے جان میکافی کو امریکا کے حوالے کرنے کا حکم دیا تھا۔ امریکی محکمہ انصاف کے مطابق جان میک ایفی کی اسپین سے امریکا منتقلی ابھی باقی تھی اور ان پر عائد الزامات ثابت ہونے کی صورت میں 5 سال تک قید کی سزا ہو سکتی تھی۔

غیر ملکی خبر ایجنسی کا یہ بھی کہنا ہے کہ جان میکافی کو امریکا میں ٹیکس چھپانے کے الزام میں اکتوبر 2020ء میں اسپین میں گرفتار کیا گیا تھا۔ جان میکافی پر 2014ء سے 2018ء تک ٹیکس ریٹرنز جمع نہ کرانے کا الزام تھا، ان پر اثاثے چھپانے کا بھی الزام تھا، انہوں نے اپنی آمدنی دوسروں کے نام پر اکاؤنٹس میں جمع کی تھی۔

میکافی  نے 1980 کی دہائی میں اینٹی وائرس سافٹ ویئر سے لاکھوں روپے  کمائے جو اب بھی ان کی ملکیت ہیں تاہم  اطلاعات کے مطابق اگر انہیں  سزا سنائی جاتی تو اسے 30 سال تک قید کا سامنا کرنا پڑتا۔

گذشتہ اکتوبر بھی ان کے اکاؤنٹ میں نامعلوم ذرائع سے   23 ملین سے زیادہ رقم ٹرانسفر ہوئی تھی ۔ تاہم  میکافی  نے ہمیشہ ان الزامات کی تردید کی ہے اور  اپنی بے گناہی کے خلاف احتجاج کرنے کے لئے  وہ سوشل میڈیا پر بھی سرگرم نظر آئے  ۔

The US believes I have hidden crypto. I wish I did but it has dissolved through the many hands of Team McAfee (your belief is not required), and my remaining assets are all seized. My friends evaporated through fear of association.

I have nothing.

Yet, I regret nothing.

— John McAfee (@officialmcafee) June 16, 2021