پاکستان اسٹاک ایکسچینج میں نیا ریکارڈ قائم، انڈیکس تاریخ کی بلند ترین سطح پر پہنچ گیا

پاکستان اسٹاک ایکسچینج میں نیا ریکارڈ قائم، انڈیکس تاریخ کی بلند ترین سطح پر پہنچ گیا

بدھ کے روز بھی پاکستان اسٹاک ایکس چینج میں تیزی کی لہر جاری ہے، کاروباری ہفتے کے تیسرے روز اسٹاک مارکیٹ میں زبردست تیزی کا رجحان دیکھا گیا۔

جہاں 100 انڈیکس میں ایک ہزار سے زائد پوائنٹس کا اضافہ ہوا، جس کے بعد انڈیکس 91 ہزار 100 پوائنٹس کی بلند ترین سطح پر پہنچ گیا۔

یاد رہے کہ مسلسل تیزی کے باعث اسٹاک مارکیٹ کے ہنڈریڈ انڈیکس میں ہزاروں پوائنٹس کا اضافہ ہوا ہے۔ گزشتہ روز سٹاک مارکیٹ میں 22 ارب 9 کروڑ 28 لاکھ 81 ہزار 507 روپے مالیت کے 25 کروڑ 68 لاکھ 74 ہزار 960 شیئرز کا لین دین ہوا۔

دوسری جانب انٹربینک میں ڈالر کی قدر میں کمی دیکھنے میں آئی ہے۔

کاروباری ہفتے کے تیسرے روز انٹر بینک میں امریکی کرنسی 4 پیسے سستی ہوئی جس کے ساتھ انٹر بینک میں ڈالر 277.74 روپے سے کم ہو کر 277.70 روپے پر ٹریڈ ہو رہا ہے۔