غزہ میں جنگ بندی کے لیےحماس نے مشروط رضا مندی ظاہر کر دی

غیر ملکی میڈیا رپورٹس کے مطابق حماس کے سنئیر رہنما نے اپنے بیان میں کہا  ہے کہ وہ غزہ میں مکمل جنگ بندی کے لیے تیار ہے،حماس کا کہنا ہے کہ جنگ بندی معاہدہ اسرائیلی فوج کے غزہ سے  مکمل انخلا پر  مشروط ہوگا، غزہ میں جنگ بندی سے متعلق نئی تجاویز پر ثالثین کو جواب دے دیا ہے۔

۔حماس  کا مزید کہنا ہے  کہ وہ غزہ  اسرائیلی جارحیت کو ختم کرنے والی کسی بھی تجویز کے لیے تیار ہے۔

قبل ازیں امریکا کی سینٹرل انٹیلی جنس ایجنسی (سی آئی اے) کے ڈائریکٹر بل برنس نے بھی غزہ میں 28 روزہ جنگ بندی کی تجویز پیش کی تھی۔ بل برنس کی رپورٹ  میں دی گئی  تجویز میں 8 مغویوں کی رہائی کے بدلے درجنوں فلسطینی قیدیوں کی رہائی شامل ہے۔

واضح رہے کہ اکتوبر 2023 سے اب تک غزہ میں اسرائیلی حملوں میں شہید فلسطینیوں کی تعداد 43 ہزار سے تجاوزکر گئی ہے جن میں زیادہ تر بچے اور خواتین شامل ہیں۔