لاہور مبینہ  پولیس مقابلے میں خاتون سمیت 5 ڈاکو ہلاک

لاہور کے علاقے گرین ٹاؤن میں مبینہ پولیس مقابلے میں ایک خاتون سمیت پانچ ڈاکو مارے گئے۔

پولیس کے مطابق ملزموں سے فائرنگ کے تبادلے میں ایس ایچ او گرین ٹاؤن اور ایک کانسٹیبل زخمی ہوا، پولیس نے رات گئے  گرین ٹاؤن میں واقع گھر پر رات گئے چھاپہ مارا تھا۔

پولیس حکام کے مطابق  مارے گئے ملزمان سنگین وارداتوں اور جرائم میں ملوث تھے، یہ ڈکیت گروہ گرین ٹاؤن میں گھر کرائے پر لیکر رہائش پذیر تھا، ڈاکوؤں کو ٹریس کر کے رات گئے چھاپہ ماراتو ڈاکوؤں نے فائرنگ کردی۔

پولیس کے مطابق ڈکیت گروہ ایک ہفتے میں بینک سے رقم نکلوانے والوں کو لوٹنے کی 3 وارداتیں کر چکا تھا اس گینگ نے پولیس یونیفارم، سرکاری اداروں کی وردیوں میں متعدد وارداتیں کیں۔

پولیس کا مزید کہنا ہے کہ ہلاک ہونے والے ملزموں کی لاشوں کو ہسپتال منتقل کر دیا گیا ، جبکہ ان کی شناخت کا عمل جاری ہے جس کے بعد مزید کارروائی عمل میں لائی جائے گی۔