شاہینوں کی بڑی فتح ،کینگروزکو 22 سال بعد ہوم گراؤنڈ پر شکست

پرتھ میں کھیلے گئے تیسرے ایک روزہ میچ میں پاکستان نے شاندار کارگردگی کا مظاہرہ کرتے ہوئے آسٹریلیا کو 22 سال بعد  ہوم گراؤنڈ پر شکست دے دی۔

 تیسرے ایک روزہ میچ میں پاکستان نے 141 رنز کا ہدف با  آسانی  27 ویں اوور میں دو وکٹوں کے نقصان پر حاصل کر لیا، پاکستان کی طرف سے  صائم ایوب نے  42 عبد اللہ شفیق نے37 جبکہ بابر اعظم  28 اور محمد رضوان 30 رنز بنا کر ناٹ آؤٹ رہے۔ آسٹریلیا کی طرف سے لین مورس نے 2 وکٹیں حاصل کیں۔

پاک آسٹریلیا سیریز کا آخری ون ڈے میچ پرتھ میں کھیلا گیا،جہاں پاکستانی کپتان محمد رضوان نے ٹاس جیت کر کینگروز کو بیٹنگ کی دعوت دی،  پاکستان کی  شاندار باؤلنگ کی بدولت کینگروز کی پوری ٹیم محض 140 رنز پر آوٹ  ہو گئی۔

پاکستان کی طرف نسیم شاہ  اور شاہین آفریدی نے تین ، تین  جبکہ  حارث رؤف نے 2 کھلاڑیوں کو پویلین بھیجا۔ کوپرکونلی گیند لگنے سے ریٹائرڈ ہرٹ ہوئے۔

ٹاس کے موقع پر کپتان محمد رضوان نے کہا کہ پچھلےمیچ کی طرح اس میچ میں بھی اچھا کھیلنے کی کوشش کریں گے، پاکستان ٹیم میں کوئی تبدیلی نہیں کی گئی۔
وا ضح رہے اس سے قبل دونوں ٹیمیں ایک ایک میچ جیت چکی ہیں اور ا ب تک سیریز ایک، ایک سے برابر ہے،سیریز کے پہلے میچ میں آسٹریلیا نے پاکستان کو سنسنی خیز مقابلے کے بعد دو وکٹوں سے ہرایا تھا،جبکہ دوسرے میچ میں پاکستان نے آسٹریلیا کو با آسانی 8 وکٹوں سے شکست دے کر ایڈیلیلڈ کے تاریخی گراؤنڈ میں 28 سال بعد فتح حاصل کی تھی۔