سعودی عرب: تاریخ میں پہلی بار صحرا میں برفباری

تاریخ  میں پہلی بار سعودی عرب کے صحرا  الجوف میں برفباری ریکارڈ کی گئی جس نے دیکھنے والوں کو حیران کر دیا۔

میڈیا رپورٹس کے مطابق موسمیاتی تبدیلیوں کی وجہ سے دنیا کے بیشتر ممالک کی طرح سعودی عرب بھی متاثر ہورہا ہے۔

سعودی عرب سمیت دیگر عرب ممالک کا شمار صحرائی اور گرم علاقوں میں ہوتا ہے لیکن سعودی عرب  میں تیز بارشیں، ژالہ باری، آبشاریں بننے، پہاڑوں اور صحراؤں میں ہریالی بھی ریکارڈ کی جاچکی ہے۔

اس حوٓلے سے متحدہ عرب امارات کے قومی مرکز برائے موسمیات کا کہنا ہے کہ موسم کا یہ غیر معمولی واقعہ بحیرہ عرب میں درجہ حرارت کے کم دباؤ سے پیدا ہوا۔

واقعہ اس لیے حیرت کا باعث ہے کیونکہ عرب خطے کا درجہ حرارت 55 ڈگری سینٹی گریڈ تک بڑھ جاتا ہے۔ اس لیے ٹھنڈ کا اچانک ابھرنا واقعی حیران کن تھا۔

اس رجحان کی وجہ سے سعودی عرب اور ہمسایہ ملک  متحدہ عرب امارات میں گرج چمک کے ساتھ اولے اور بارش بھی ہوئی ۔

برف باری کے بعد  صحرائی علاقے الجوف کا منظر ہی بدل گیا جسے دیکھنے کیلئے شہریوں کی  بڑی تعداد نے وہاں کا رخ کیا، الجوف میں برفباری کے بعد کے مناظر کی بہت سی ویڈیو سوشل میڈیا پر وائرل ہو رہی ہے۔