دوسرا ٹی 20 :زمبابوے کا پاکستان کے خلاف ٹاس جیت کر بیٹنگ کرنے کا فیصلہ

زمبابوے نے پاکستان کے خلاف  دوسرے ٹی 20 میچ میں ٹاس جیت کر پہلے بیٹنگ کرنے کا فیصلہ کیا۔

پاکستان اور زمبابوے کے درمیان جاری  3 ٹی 20 میچوں کی سیریز کا دوسرا میچ آج  کوئنز سپورٹس کلب بلاوائیو میں کھیلا جا رہا ہے ، قومی ٹیم کو سیریز میں ایک صفر کی برتری حاصل ہے،

پاکستان نے دوسرے ٹی 20 میچ کے لیے ٹیم کا اعلان گزشتہ روز کر دیا تھا۔

دوسرے میچ کے لیے قومی ٹیم میں  کوئی بھی تبدیلی نہیں کی گئی، ٹیم میں کپتان سلمان آغا، صائم ایوب، عمیر بن یوسف، عثمان خان، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم شامل ہیں۔

واضح رہے کہ اتوار کو پاکستان نے پہلے ٹی 20 میچ میں میزبان زمبابوے کو 57 رنز سے شکست دی تھی۔